翻版高海寧突然向王祖藍公開道歉 自爆做一舉動嚇窒對方：真心sorry！
發佈時間：21:30 2024-04-12
由阮兆祥、李思捷和王祖藍主持的TVB扮嘢真人 Show《福祿壽訓練學院》，自播映以來話題性十足！參賽者為求搶fo費盡心機，其中「古惑包皮」、「西貢籮記」、「沙田詹瑞文」等十位參賽者先後被淘汰。而在王祖藍組的「勁高寧」陳懿霏，在節目中勁騷身材，模仿高海寧在《新聞女王》拉開拉鏈騷豐滿上圍，又用泥塗面塗身，更大膽將泥塗在王祖藍手上，最終被叮冇得留低。昨日（11日），陳懿霏知衰在IG發文道歉，「希望祖藍唔好介意啦！真心sorry」。
相關閱讀：福祿壽訓練學院丨「最強Body」郭珮文Cosplay獎座無打底 葫蘆身材硬撼陳懿德
「勁高寧」陳懿霏「突襲」王祖藍：
「勁高寧」陳懿霏被叮走，沒機會繼續玩《福祿壽訓練學院》，但昨日卻在IG向王祖藍致歉，她寫道：「聽番當日嘅參賽者同我講，當日我搽泥漿落祖藍手度個陣，佢有少少尷尬，我原意係想同祖藍互動一下增加綜藝效果，希望祖藍唔好介意啦！真心sorry。」
「勁高寧」陳懿霏身材勁火辣？
陳懿霏太過火被淘汰 ?
據現場工作人員透露，「嚇驚王祖藍」一幕，大家在螢光幕睇唔到，事關每位參賽者只有1分至2分鐘的片段出街。當日比賽進行時，被陳懿霏搞到成手泥的王祖藍，即問：「到底係咩嚟？」旁邊的李思捷亦表現得非常驚。有參賽者認為陳懿霏玩得過火了，可能因而被淘汰。對此，陳懿霏表示：「其實嗰日係想有互動，所以搽咗啲泥落祖藍隻手度。我諗出局同呢件事無關，嗰日狀態未係最好。但參加比賽已經好開心，我好欣賞王祖藍，佢扮嘢真係好叻。」
陳懿霏又補充表示，自己一直都好鍾意睇王祖藍扮野好想入他的隊伍，「雖然最後都淘汰咗，但識到一班參賽者同戰友好開心！繼續去到下round嘅戰友們就加油，帶多啲歡樂俾香港人！入唔到嘅都唔好灰心！大家上到個台表演已經喺賺咗㗎啦！大家江湖見！」
其他文章：
福祿壽訓練學院丨「小張學友」梁山山背景曝光 曾與古天樂袁詠儀合作
福祿壽訓練學院丨「最強Body」郭珮文銷魂噴血造型勁震撼 陳懿德被嚇窒感大壓力
福祿壽訓練學院丨前ViuTV藝人Suzuki扮泰迪羅賓原來扮姜濤仲好笑？ 與大導視帝為波友
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
