福祿壽訓練學院丨「最強Body」郭珮文Cosplay獎座無打底 葫蘆身材硬撼陳懿德
發佈時間：21:30 2024-04-10
由阮兆祥、李思捷、王祖藍主持的扮嘢真人Show《福祿壽訓練學院》，4月14日晚播出第三集頒獎禮篇。除了三名導師及 24名學員會傾盡所有、各施各法扮鬼扮馬，福祿壽還會廣碌人情卡邀請大批好友嘉賓蒞臨助陣。今日（10日）首先曝光有林曉峰，首集以「戀柱」及「Just a 竹」 造型引發不少話題的兩位「扮工室助理」郭珮文（Juliana）及陳懿德，除以超亮麗晚禮服登場外，還扮演不同風格的「人肉獎座」，並會無定向在節目不同環節「老是常出現」，以搞怪造型刺激觀眾眼球。
相關閱讀：福祿壽訓練學院丨郭珮文呆爆樣做「扮工室助理」 遭李思捷寸爆：即係佢堅持唔問？
福祿壽訓練學院丨郭珮文陳懿德化身「人肉獎座」？
「人肉獎座」對於兩位助理郭珮文及陳懿德來說是很大挑戰，因為連身衣造型難Carry之餘兼很難著外，二人要在長達十數小時的錄影過程中多番舉起雙手「扮獎」，故是體力挑戰。而在第一、二集扮「碌竹」的陳懿德，今集獲製作組貼心照顧為其度身訂造「金球假手背囊」，讓陳懿德肩頸得以休息，令陳懿德大呼感動：「製作組驚我個膊頭同條頸太攰，所以就為我設計咗呢隻假手，等我唔使將隻手舉足十幾個鐘咁辛苦。但原來佢都幾重同幾掗拃，我頭先喺走廊都唔小心攻擊到幾個路人，工作人員笑我係『最強武器』。」
陳懿德少飲水避去洗手間
談到打造造型過程，陳懿德坦言單是為身上的金色菲林「定位」已花兩小時：「總共有幾個姐姐係咁釘釘釘，我都有意外被拮咗幾吓，好難先可以令到啲菲林fix到位。」陳懿德指著衫及除衫亦是十分艱難：「除衫都要幾個人幫手，好似金蟬脫殼咁，著嘅時候又係四、五個服裝姐姐一齊出力、幫我將件衫轉轉轉番上去。」陳懿德指由於造型難搞，故此盡量少飲水避免去洗手間。
相關閱讀：福祿壽訓練學院丨前港男化身Avantgardey極神似 公屋出身留學美國曾靠洗腦歌爆紅
「最強Body」郭珮文噴血靚相重溫：
至於郭珮文的造型單是臉上金色部分，已要分先後兩次上色，即使沒有菲林加持，耗時亦需要兩小時。郭珮文的服裝因設計超級貼身，問到擁有葫蘆身形的她，穿上造型前有否刻意節食？郭珮文呈放棄狀態表示：「放棄咗節食㗎喇，有肚腩都唔緊要啦。我冇特別打底呀，因為呢件衫好薄，打底嘅話會好明顯。呢件衫去廁所要成套除晒，同埋自己一個係拉唔番件衫上去嘅。」郭珮文笑言一身造型有意料之外的side effect，就是令她一整天與外界失聯：「因為隻手係包住晒，所以成日都用唔到手機。」
郭珮文被考驗體力
除造型惡搞外，郭珮文在頒獎禮篇的任務同樣惡搞，為配合節目錄影及效果，郭珮文需要十數小時持續舉著一個「金電視」，雖然「金電視」是由發泡膠製造，但要長時間舉起亦相當考驗體力及臂力。每逢嗌cut後，郭珮文必定會一臉辛苦地放下「金電視」回氣，但一Roll機又馬上入戲展現笑容。郭珮文錄影前曾笑言對自己的臂力沒有信心：「以前我手力好好㗎，但因為四、五年冇做過運動，依家都有啲擔心。」
其他文章：
福祿壽訓練學院丨「小張學友」梁山山背景曝光 曾與古天樂袁詠儀合作
福祿壽訓練學院丨「最強Body」郭珮文銷魂噴血造型勁震撼 陳懿德被嚇窒感大壓力
福祿壽訓練學院丨前ViuTV藝人Suzuki扮泰迪羅賓原來扮姜濤仲好笑？ 與大導視帝為波友
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
