「熊心如」蘇韻姿突遭TVB官網除名宣布正式離巢 去年傳犯三宗罪被雪「回家」無期
發佈時間：12:30 2024-04-09
現年30歲的蘇韻姿（Andrea）2016年從加拿大回流參選港姐入行，近年憑處境劇《愛回家之開心速遞》飾演「熊心如（紅衫魚）」一角入屋，惜去年1月傳因遲到、工作態度差及演技無進步等問題而被踢出劇組，直到今年初終獲「解凍」拍新劇，無奈近日再傳出離巢消息，今日（9日）她於IG正式宣布離開TVB！
相關閱讀：TVB台慶2023丨紅地氈盛況Part 2！馮盈盈超貼身晚裝曲線迷人 蘇韻姿透視神秘三角極性感
蘇韻姿疑似離巢TVB？
蘇韻姿去年傳犯三宗罪而遭列入「雪藏」名單，雖然「熊家人」口頭交代她去外地傾生意歸「家」無期，但事隔一年，蘇韻姿終獲解凍接拍《非份之罪》，去年11月出席劇集開鏡時，她自認有不足並謂：「希望嚟緊呢次可以好好把握，亦都會好珍惜呢次機會，做好自己。」近日，蘇韻姿更透露與視后楊茜堯（前名楊怡）合拍新劇《黑色月光》，未料不久便傳出蘇韻姿已離開TVB的消息。
蘇韻姿更多靚相：
翻查TVB的官網藝人資料，本屬經理人合約的蘇韻姿疑已被下架，其個人IG帳號的介紹欄亦已刪去TVB經理人聯絡資料，惟Facebook仍保留相關資料，旋即惹來約滿離巢的猜測。對此，蘇韻姿回應傳媒時一度以揸緊車為由掛電話，其後再以短訊答：「好快會有消息Update大家，多謝你。」而昨日（8日）她則如常更新IG，並貼出一輯索爆晒腿露背街拍，盡展好身材！
至今日蘇韻姿於IG貼出8年前報名參選港姐照，並撰長文親證約滿離巢：「而家係時候要跳出自己嘅舒適圈，接受新嘅挑戰啦。不經不覺嚟咗香港八年，我已經成長咗好多，學到好多嘢。喺呢一度遇到好多錫我嘅人，實在係好幸運。」並感激TVB高層曾勵珍（珍姐）、樂易玲、曾志偉等，「首先要多謝珍姐，喺我一個人嚟到香港嘅時候，畀機會我演熊心如，令到我喺香港都可以有一個家。亦都令到多咗人認識我、有不同嘅工作，學到好多中文。多謝您咁多年嘅教導栽培。我會好好緊記你教我嘅一切。多謝樂小姐，由選美到入行，一路都好照顧住我，教我點樣做好一個藝人。仲有Management嘅同事，多謝你哋一直嘅照顧及幫忙，我會加倍努力！多謝志偉哥！ 你嘅指導，加上鼓勵，令到我發現自己可以有好多可能性。我會keep住你畀我嘅正能量。」
蘇韻姿續多謝一班幕後給予機會及鼓勵，包括《愛回家》監製林建祥（祥哥）、《黑色月光》總監製鍾澍佳及綜藝節目監製們，又謂：「多謝熊家人，冇家人喺香港嘅我，感恩有你哋就有家嘅感覺。最後要多謝關心同錫我嘅台前幕後朋友仔！等緊埋位，或者收工嘅時候都會同大家一齊傾偈。我會記住一齊度過嘅美好時光！相信喺未來大家一定能夠再遇到，亦都想藉呢個機會衷心祝福所有朋友，能夠在自己嘅舞台上發光發亮。」蘇韻姿以短訊回覆《星島頭條》表示：「星期四《黑色月光》嘅慶功宴見到大家再傾。」
其他文章：
阿七吳嘉儀結婚丨47歲陳煒30歲蘇韻姿鬥露香肩賀新人 莊思明預告明年嫁楊明
愛回家丨熊心如蘇韻姿歸家無期 熊家有愛陪慶生爸爸劉丹都出席：暖到心裏
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
