花蓮7.2級地震丨香港女星遊台灣首遇地震直擊書架狂搖唔識反應攬Airbnb房東平驚慌

更新時間：14:50 2024-04-03
發佈時間：14:50 2024-04-03

台灣花蓮縣今天（3日）上午發生7.2級地震，造成人命傷亡，更發出海嘯警報，而台灣氣象部門亦預測，未來3至4日可能出現規模達7級的餘震。除了不少台灣藝人在社交平台分享遇上地震一刻心情，亦有在台灣的香港藝人於社交平台報平安。其中香港女星蘇麗珊就正身處台灣，她分享地震一刻的感受。

蘇麗珊遊台灣遇地震：

身在台灣的蘇麗珊，於IG貼了一張室內相和自拍照報平安：「昨天晚上到了台北，第一次遇到地震，仲以為自己發緊夢，好似搭緊架船喺好大浪嘅海上面咁。書架上面啲嘢都搖到郁嚟郁去，之前仲好糾結要唔要自己住酒店，好在因為怕自己一個瞓搵咗間airbnb 房東係個媽媽，我仲喺床上面呆咗諗緊咩事佢即刻嗌我起身，我哋同佢隻狗狗攬埋一齊先無咁驚，希望在台灣的人都安全。」

蘇麗珊：驚魂未定

蘇麗珊晒出自拍表示：「還有點餘震，有點驚魂未定，but im okay!!」其實蘇麗珊上月中時，曾分享即將出遊，但未有透露到哪裏旅遊。而今日她再發文談及在台灣遇上地震，網民都非常擔心她，她報平安後不少網民都留言叫她要小心。

朱栢康身在台灣拍戲

而身在台灣拍攝電影的朱栢康都因為地震從睡夢中驚醒，他就即時錄音向外界報平安：「今日喺台灣經歷咗一次，人生遇過最大嘅地震。但我都係喺睡夢中被震醒、搖醒。醒咗時候仲喺度諗，地震喎，台灣有地震都正常，跟住繼續瞓喺床上面，完全無任何行動。直到地震一直都無走過（餘震），我先開始驚，覺得要起身，著返條褲，喺度諗點做，係咪要走出街，定匿喺枱底，然後地震停咗，我就陸續收到台灣朋友短訊電話問有無事，才知道今次地震原來咁強勁，佢哋自己都好驚。」朱栢康事後亦有走到戶外，指市面狀況暫時一切正常，他希望地震並無造成太大傷害，願當地朋友及市民平安。

其他文章：

日本能登7.6級地震丨TVB視后遊日驚遇地震？神隱2天粉絲瘋狂留言關心終以一招報平安

柳俊江逝世丨8年記者生涯曾徒步兩天採訪四川大地震 2010年因一原因毅然離開新聞界

有線主播袁思行遊日晒名牌打卡惹熱議？地震撞機無損心情網民對比同台記者遊韓直擊梨泰院慘劇

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ