杜琪峯陳年照流出極大眾臉？撞樣多位男星最似樊少皇網民讚靚仔：被幕後工作耽誤

更新時間：09:00 2024-03-24
發佈時間：09:00 2024-03-24

香港電影殿堂級導演杜琪峯（杜Sir），曾榮獲三次金像獎及三次金馬獎的「最佳導演」，並三度角逐義大利威尼斯影展最高榮譽金獅獎。68歲的杜琪峯於1974年入讀TVB第4期藝員訓練班，曾在劇中飾演閒角，畢業後才轉做幕後。日前FB的「舊相重溫」專頁見到有網民分享「七十年代好靚仔嘅杜Sir」陳年照，照片公開後獲大批網民討論，指導演杜琪峯年輕時撞樣逾10位男星。

相關閱讀：香港電影導演頒獎禮｜梁朝偉封帝感激杜琪峯啟發余香凝首膺影后喜極而泣

杜琪峯年輕舊照似多位男星？

網民日前在FB貼出舊照，當中見到「杜琪峯」的名字，相中人非常年輕，留有一頭七十年代型男潮頭，網民形容：「七十年代好靚仔嘅杜Sir」。不少網民睇完照片後，大量留言：「第一眼望以為係周潤發」、「譚詠麟」、「以為曹永廉」、「我第一眼以為張景淳」、「唔係林偉？」、「我以為是王傑」、「以為杜德偉囉」、「陳國邦咁樣」，不過要數最似樣是樊少皇：「力王」、「似樊少皇多啲」、「樊少皇＋剛出道的林峯混合體」。

杜琪峯被指好彩無轉幕前

另外有網民大讚杜琪峯年輕時好靚仔，慶幸他未有選擇在幕前發展，否則影壇將會損失一位好導演：「一個被幕後工作耽誤的好演員」、「咁靚仔，好彩無轉幕前，唔係嘅話香港就少咗個好導演，睇少好多好戲！」、「杜sir後生好靚仔㗎，佢拍過套《少年十五二十》時，賈斯樂做主角杜sir有份出鏡，依幅相個角度表情影得唔太似佢」等。