星8卦｜「高型」介意「勁姐」過去搞男女關係影響感情

更新時間：11:30 2024-03-26
發佈時間：11:30 2024-03-26

雖然一直唔認但都還需認嘅，如果呢個係事實。「勁姐」當日係搞大個肚至嫁「高型」，喺乜都未清楚嘅時候，「高型」就決定負起自己嘅責任。「高型」完全無諗過自己會有咁紅，不過男人唔識計數啫，年紀大啲，魅力勁啲，呢個就係娛樂圈最唔公平嘅地方，男人永遠多啲優勢。

「高型」最過唔到嘅位係「勁姐」之前嗰段情，同「小鮮肉」搞到烏煙瘴氣，又出咗啲不道德事件，不過嗰陣大家都係小角色，有其他更勁爆嘅主角，咪好似無乜人理咁囉。但「高型」啲死心眼就係過唔到自己鍾意嘅女人，以前到底點解搞單咁失禮嘅嘢出嚟，因為自從紅咗掂咗之後，提到「勁姐」多多少少會講番嗰件事。

每次「高型」都有走去問「勁姐」嘅真相，「勁姐」梗係唔敢講，次次當聽唔到，三幾次之後「高型」無癮就收聲，但個心就好唔忿氣，有時又會叫老婆同自己生多個，但「勁姐」又唔肯，久而久之，兩公婆積咗唔少芥蒂，「勁姐」份人唔鍾意解釋，就由得「高型」自由發展，男人紅咗條件又唔差就自然好多女埋身，「高型」覺得我識返屋企，搞吓曖昧又無所謂，兩公婆唔肯面對問題，就係最大問題。「高型」覺得大家對佢兩個關係咁有興趣，更加費事澄清，炒吓人氣都無壞啦！

星8卦｜「純純」嫁入豪門以為執到「少爺」出軌收厚禮另類贏家

星8卦｜「男主角」爆紅有先見之明娶「女主角」開公司肥水不流別人田

星8卦｜「有腦」幫「闊少」生仔以為得寵用橋生多個終於出事

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ