星8卦｜「高型」介意「劲姐」过去搞男女关系影响感情

更新时间：11:30 2024-03-26 HKT
发布时间：11:30 2024-03-26 HKT

虽然一直唔认但都还需认嘅，如果呢个系事实。「劲姐」当日系搞大个肚至嫁「高型」，喺乜都未清楚嘅时候，「高型」就决定负起自己嘅责任。「高型」完全无谂过自己会有咁红，不过男人唔识计数啫，年纪大啲，魅力劲啲，呢个就系娱乐圈最唔公平嘅地方，男人永远多啲优势。

「高型」最过唔到嘅位系「劲姐」之前𠮶段情，同「小鲜肉」搞到乌烟瘴气，又出咗啲不道德事件，不过𠮶阵大家都系小角色，有其他更劲爆嘅主角，咪好似无乜人理咁啰。但「高型」啲死心眼就系过唔到自己钟意嘅女人，以前到底点解搞单咁失礼嘅嘢出嚟，因为自从红咗掂咗之后，提到「劲姐」多多少少会讲番𠮶件事。

每次「高型」都有走去问「劲姐」嘅真相，「劲姐」梗系唔敢讲，次次当听唔到，三几次之后「高型」无瘾就收声，但个心就好唔忿气，有时又会叫老婆同自己生多个，但「劲姐」又唔肯，久而久之，两公婆积咗唔少芥蒂，「劲姐」份人唔钟意解释，就由得「高型」自由发展，男人红咗条件又唔差就自然好多女埋身，「高型」觉得我识返屋企，搞吓暧昧又无所谓，两公婆唔肯面对问题，就系最大问题。「高型」觉得大家对佢两个关系咁有兴趣，更加费事澄清，炒吓人气都无坏啦！

星8卦｜「纯纯」嫁入豪门以为执到「少爷」出轨收厚礼另类赢家

星8卦｜「男主角」爆红有先见之明娶「女主角」开公司肥水不流别人田

星8卦｜「有脑」帮「阔少」生仔以为得宠用桥生多个终于出事

《星岛申诉王》已推出全新项目「区区有申诉」，并增设「我要赞佢」栏目，现诚邀市民投稿赞扬身边好人好事，共建更有爱社区。立即「我要赞佢」︰ https://bit.ly/3uJ3yyF

想睇更多精彩内容，请立即浏览「区区有申诉」活动专页，https://bit.ly/41hgS9E

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ