86歲余慕蓮不慎鯁魚骨留院！91歲周驄獲獎 盼古天樂為娛圈老友記做一事
發佈時間：18:30 2024-03-07
香港演藝人協會今日（7日）舉行春茗，會長古天樂、副會長余安安、錢嘉樂及一眾新任理事會成員：張繼聰、周家怡、岑珈其等人聯同過百名會員出席，久違了的周驄亦有現身，他更從會長古天樂手上獲頒「傑出演藝大獎」，中氣十足的周驄表示：「我特別欣賞古天樂先生，我擦鞋擦咗幾十年，我估古天樂先生心裡有個願望，係搞演藝人協會轄下老人院。」
相關閱讀：91歲周驄罕現身！皮光肉滑精神奕奕胃口好 與張國強飲茶驚喜巧遇影帝
久違了的周驄罕現身：
周驄從古天樂手上接過「傑出演藝大獎」
今年是演藝人協會成立30周年，余安安親製蛋糕為協會慶祝，在春茗上，頒發「傑出演藝大獎」，表揚過去多年來為演藝界付出寶貴青春、貢獻良多的前輩藝人，今年由余金珠、徐廣林、高爾珩、周驄榮膺獎項，會長古天樂更驚喜現身，周驄從古天樂手上接過獎座後，中氣十足地表示：「多謝大家畀我嘅肯定，我想講良心說話，我唔係為個人得獎而來，我真心欣賞演藝人協會，特別欣賞古天樂先生，我擦鞋擦咗幾十年，我估古天樂先生心裡有個願望，係搞演藝人協會轄下老人院。」古天樂表示好榮幸可以頒發獎項給前輩，大讚每位得獎藝人都實至名歸，但問到他是否如周驄所言有願望搞老人院？古天樂表示：「我都估唔到，因為係非常複雜，我盡力啦。」
余慕蓮身體狀況麻麻日前慎鯁魚骨
一如往年，今年春茗有過百名會員出席，其中包括羅蘭、余慕蓮、丁羽、馮素波、邵音音、梁葆貞、黃夏蕙、和許思敏等人現身，場面墟冚。曾經在2020年患上肺纖維化的余慕蓮，出席春茗時精神不俗，但身形仍然偏瘦，且走路時要傭人攙扶，問到目前健康狀況？余慕蓮自言身體狀況麻麻，原來她日前食魚不慎鯁骨，要到急症室：「喺醫院等咗七個半鐘，好多人，最後都係要留院一晚，先攞番條魚骨出嚟，而家我精神OK嘅，但醫生就話我唔可以跌，所以我都唔敢自己出街，一定要有姐姐陪，每朝早七點去公園行，夜晚喺屋企睇兩線劇，睇完就瞓覺；而家開始冇記性，所以都有搵啲朋友打台灣牌，訓練自己。」
周驄現身好精靈？
古天樂連任演藝人協會會長
另一方面，演藝人協會第十六屆理事會換屆大選已於本年初完成，古天樂連任會長，余安安和錢嘉樂連任副會長，今年有不少新面孔登場，當中張繼聰、周家怡分別當選成為新一屆秘書長及司庫，岑珈其、張敬軒則當選為理事，王梓軒、徐智勇（小肥）、梁棨寧（咸旦）、游學修、雷深如（J.Arie）、趙善恆及鄭文獲邀加入成為特邀理事，副會長余安安對於理事會成員「年輕化」表示：「好開心，有好多年輕成員參與，因為我哋始終有日會退休，永遠都要有後浪。」
余慕蓮近年身體狀況】：
新任理事張繼聰希望可以跟前輩學習
張繼聰、周家怡、岑珈其等幾位新理事成員首次出席演藝人協會春茗活動，當中張繼聰表示：「第一次參加，好開心，希望可以跟前輩學多啲嘢，嚟緊慢慢再了解吓，繼續幫前輩會員之餘，又可以為後生會員提供輔助同聯繫，希望將演藝人歸納多啲類別，令演藝界更團結。」而岑珈其就表示希望為演藝人協會多搞聚會：「疫情後，好多活動都停晒，希望可以搞多啲活動，吸納新嘅年輕藝人加入會，等多啲人知道個會。」至於擔任司庫的周家怡，笑言自己計數不精：「搵個最唔叻數學嘅人做司庫，可能信得我過，好彩有會計幫手。希望可以搞多啲活動，令個會普及化，多啲人認識，嚟緊都會有好多School Tour及各種慈善活動。」
其他文章：
92歲黎宣罕有露面坐輪椅眼仔睩睩依然精靈 余慕蓮從影50年首奪獎哽咽多謝古天樂
細數11位年過90歲藝人！笑匠將變百歲人瑞壯健過胡楓 粵劇名伶瀟灑息影神隱多年
余慕蓮86歲生日連環精靈慶祝 每日做呢兩件事保持良好體態依然聲如洪鐘
--------------------------
《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
