李龍基否認穿A貨上衣大讚夠暖質地好：大中華的出品，必屬佳品
發佈時間：12:15 2024-02-26
73歲李龍基的未婚妻王青霞（Chris）上周二（20日）因被控逾期居留等6項控罪而被還柙大欖女懲教所看管，李龍基連日來大清早便揸車到大欖女懲教所探望未婚妻，不過因為穿着的上衣疑似是A貨，立即成為外界焦點，李龍基曾表示：「問心無愧，不會生氣！」後，並表示：「我覺得冇問題！」
相關閱讀：李龍基被指穿A貨「CEILNE」上衣：問心無愧，不會生氣
李龍基一連二日着同一件衫探未婚妻？
李龍基昨日（25 日）朝早如常往大欖女懲教所探望因被控逾期居留、使用虛假文書等6罪而被還柙的未婚妻王青霞（Chris），當時他身上依舊穿上被「抽水王」林作質疑A貨「CEILNE」上衣，當時被問到有否對林作的言論而生氣時，李龍基說：「不用理會他，世界咩人都有，做番自己嘢，問心無愧，不會生氣。」本來聲稱封口不接受訪問的李龍基，又再接受傳媒訪問，他為事件進一步解釋：「A貨係連名字都抄，我穿嗰件又唔係嗰個名牌貨，平，靚，正，我覺得冇問題！我哋大中華的出品，必屬佳品！」他又大讚這件衫又暖，質地又好，又平，着得過！
李龍基今次的言論，有網民笑言又刷新了大家的三觀，有人說：「做咗幾拾年娛樂圈，又紅過，唔識牌子？唔識分真假？唔識字？咪玩啦！所以女友用假證都用唔識分做藉口？」、「其實呢件連名都穿錯又唔算A嘅， C級都未必有。」、「老唔係大哂，雖然唔係個個都想睇佢啲新聞包括本人。品牌誠然唔係個個都識分，但作為公眾人物都出嚟做咁耐，竟然可以明知故犯之餘仲完全唔覺有問題。咁樣的態度做壞榜樣俾公眾之餘，亦很唔尊重原本品牌。」
李龍基未婚妻王青霞送禮予麥玲玲？
連日來多次質疑李龍基平日一身名牌的真實性的「抽水王」林作當然又再出PO，他在社交平台留言說：「這不是出產地哪裡的問題吧。這是尊重的問題。公然著仿造名牌衣物，即使該原本仿造名牌衣物本身就是中國製造的，也是會給人錯誤的信息 - 就是崇洋媚外。舉個例子，你偽造學位證書是北大的，我都依然覺得比偽造史丹福大學要好。因為著咁樣嘅衫、偽造就選擇外國大學，都係崇洋媚外的表現。」他續說：「大中華出品好多好嘢，全部自己品牌。為甚麼不去好好支持我哋出嘅好嘢？李寧有咩問題？一樣平但又唔係扮外國。著利工民啊嘛！」
其他文章：
李龍基未婚妻曾傳嫁美軍？翁靜晶揭奇怪細節：海軍陸戰隊制服唔係咁
李龍基繼續一身「名牌」探未婚妻 刻意加外套欲蓋彌彰？林作再出po寸爆：心口寫錯字
李龍基同款「名牌」淘寶售XX元？林作質疑穿串錯字A貨探未婚妻：你同Chris一樣假
李龍基未婚妻再被揭造假？Chris曾稱為名牌設計家品 麥玲玲寸爆疑似淘寶貨
李龍基前妻見過王青霞願加入探訪名單！遇途人無禮舉動哽咽 憂未婚妻精神問題
李龍基一連兩日探未婚妻！爭取元宵共聚度佳節 再度爆喊：佢希望我照顧好自己
-----------------------------------
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
