星8卦｜「鬼妹」以為「高大」係良伴 成賭局犧牲品要睇心理醫生
更新時間：11:30 2024-02-20
發佈時間：11:30 2024-02-20
發佈時間：11:30 2024-02-20
字體大小
喺有錢人嘅世界，最近流行一種賭博，每個男人帶自己條女出嚟，然後大家賭十鋪，輸咗嘅嗰晚帶出嚟嘅女人就要招呼大贏家。所以啲男人係唔會帶老婆出嚟呢啲場合，因為屋企嗰個唔可以畀其他男人搞，但女朋友連小三都肯做，應該就唔介意服侍多幾個。
「鬼妹」啱啱返嚟，又點知咁多潛規則，同「高大」呢個好樣又有背景嘅男人一齊以為執到，點知同佢去咗兩次呢啲聚會都未察覺有問題。原因係幾次都係「高大」贏，但佢又唔會即刻同輸咗嗰位嘅女人搞埋一堆，因為「高大」眼角都高，連續兩次嘅女人佢都無興趣，所以放人一馬。
但「鬼妹」唔同，係明星仲身材正，成班男人梗係𥄫到實，希望「高大」輸。如是者等咗幾個月，「高大」終於失手，嗰晚嘅人直情興奮到死，「鬼妹」梗係好慘，猛咁問發生乜事，「高大」又唔解釋清楚就將佢留喺房間度。唔夠兩個禮拜，「鬼妹」就搵人放料話同「高大」分手，而且會去第二度讀書，短期內都唔返香港，呢種侮辱，令佢喺外國要睇心理醫生，認真陰公！
相關文章：
星8卦｜「後生女」識錯人被威脅 「老竇」痛心求大機構出手幫忙
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最Hit
