星8卦｜「後生女」識錯人被威脅「老竇」痛心求大機構出手幫忙

更新時間：11:25 2024-02-13
發佈時間：11:25 2024-02-13

「後生女」今次真係識錯人，之前嘅男友正正常常，因為喺呢行出身嘅「老竇」見唔少人，梗係識睇好定唔好。「後生女」一向都係掌上明珠，「老竇」錫到燶，但就係唔鍾意讀書，成日發明星夢。後嚟兩公婆無佢符，又唔想屋企日嘈夜嘈，所以托人睇住阿女嘅日常，偏偏係要鬥靚至甘心，就因為咁嘅環境至識到而家件「垃圾」。

「垃圾」好似好型，成日帶「後生女」呢度去嗰度去，識咗一班唔做正經嘢嘅朋友。「垃圾」又好大使，啱啱出身嘅「後生女」邊度搵到錢呀，於是返屋企攞，「老竇」唔知咁多就照畀，原來後期得到朋友通知係貼仔，激到幾乎噴血。

最後「垃圾」露出真面目，「後生女」已經畀咗好多錢佢使，「老竇」經濟封鎖，貧賤夫妻百事哀，「垃圾」竟然將自己同「後生女」嘅資料傳真到公司各大部門，話佢係天生淫娃。「後生女」成家人直情癲咗，報咗警但都做唔到乜嘢，惟有拜託傳媒朋友高抬貴手，雖然經歷咗咁多艱難，但「後生女」好似變咗另一個人，成日唔出街，「老竇」講乜都聽，唔敢再自把自為，呢啲當係上咗一課，「老竇」依然操心，但就好過之前咁提心吊膽！

星8卦｜「假人」繼承遺產扮有料貼錢買高層位自High

星8卦｜「學霸」入行被飛恨嫁入豪門鋪路失敗事業冰封好淒涼

星8卦｜「可愛」喪多口得罪人「才子」被連累唔見錢隔離求自保

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ