美斯訪港丨謝東閔貼偶像球場返休息室片有驚人發現！逐格睇球王美斯被球衣掟中

更新時間：13:10 2024-02-05
發佈時間：13:20 2024-02-05

阿根廷球王美斯（Lionel Messi）日前隨球隊國際邁亞密旋風式訪港，原定昨日（4日）在香港大球場與香港隊踢表演賽，不過這位阿根廷球王全程無落場，齋坐陪大家睇波，結果全場球迷群情洶湧大叫「回水」兼遭圍，噓聲四起！本來一心捧美斯場的謝東閔，昨日到場觀戰，意外地拍下美斯被觀眾席的球迷用外套扔中！

謝東閔見證美斯當場被扔波衫逐格睇：

身為球迷的謝東閔，昨日本來懷着興奮心情入場睇波，殊不知美斯最後竟然未有落場，令到一睹偶像球技的機會落空，難怪謝東閔忍不住留言說：「相隔10年之後終於再見到你！好可惜你冇落場踢，希望之後仲有機會見到你踢波。」有不少朋友留言尼慰問，謝東閔亦回覆坦言非常失望兼唔開心！接着謝東閔在IG限時動態再貼上一段短片，竟看見美斯返回休息室時，被觀眾席的球迷用外套扔中！

從謝東閔上載的短片所見，美斯球場走回休息室時，雙手插袋，神情一臉凝重，身邊有不少球會職員和大會保鑣護航，現場更不時傳出一片噓聲，當美斯差不多行近入口時，突然有球迷從被觀眾席的人群中，將一件粉紅的球衣扔中了美斯，影片亦隨即中斷了！看來在場球迷極度不滿今次安排，忍不住出手發洩！

群星未能見證美斯落場勁無奈？

事實上不少人對美斯未有落場感到失望兼憤怒，有份去睇波的《東張》女神陳庭欣，出PO炮轟「違反商品說明條例」，更指有不少球迷表示要報《東張西望》。鍾培生即時拍片並說：「建議特首挑戰同碧咸打返場拳賽，為香港攞返個公道。」頭抽水王林作亦去睇波，更在IG留言說：「可能係香港足球史上最大嘅騙案，本人宣佈，即時開始聯絡各路現場球迷，組成『香港反足球詐騙大聯盟』，誓要討回公道。38000個苦主，我唔信有一個對今日經歷感到收貨。後續將會持續update大家。」

成功與碧咸合照的高海寧留言說：「Messi無落場，Sarah hold足全場，Good Job！」又在Story貼相：「食啲甜品安慰下自己。」湯洛雯亦留言笑說：「我要返去睇少林足球balance（平衡）下」。陳家樂與老婆連詩雅亦有入場，連詩雅貼相說：「最後雖然冇美斯落場，不過喺現場睇足球賽係特別有氣氛嘅。」馬海倫亦嬲爆留言說：「美斯和蘇亞雷斯冇落場真係非常失望和憤怒，就算有傷都落場踢30 or 20分鐘都好，本來開場好開心有姜糖等表演，失望而回。」盧覓雪亦在IG拍片：「梗係失望啦！我斷估唔係嚟睇阿GEM表演。」盧覓雪還大爆是在下半場開始有人嗌退錢，最初是說普通話的，講廣東話亦不少叫回水。盧覓雪拍片期間，亦是全場噓聲：「呢個係真實民意反應。」

其他文章：

美斯訪港丨梁朝偉劉嘉玲獲碧咸邀請現身！手拖手出場勁恩愛影后一身Chanel登場

美斯訪港｜直擊群星追星合集！甘比湊小朋友低調現身影后葉童潮爆Look受訪

美斯訪港丨東張女神炮轟「違反商品說明條例」抽水王林作：香港足球史上最大騙案

美斯訪港丨球迷睇ViuTV網上直播美斯變MC好憤怒姜糖神徒錯過表演：我睇緊咩？

美斯訪港｜高海寧成功埋身與碧咸合照晒親筆簽名球衣遭好友妒忌

美斯訪港｜丁子朗胡鴻鈞尖叫自拍旅遊達人索簽名慘食檸檬名媛坐遊艇打卡超架勢

--------------

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ