朱慧敏囡囡出世兩個月變巨碼BB 可愛樣笑容滿臉冧爆網民
發佈時間：18:00 2024-01-06
2004年港姐亞軍朱慧敏（Queenie）與養和醫院心臟科專科醫生陳良貴，於2021年舉行婚禮，二人努力近兩年造人成功，去年10月底囡囡Shera已經出世，重6磅半母女平安。話咁快小朋友已經出世兩個月，朱慧敏昨日（5日）在IG貼出囡囡的影片，BB女笑容滿臉非常可愛，網民大讚與朱慧敏的老公是餅印。
相關閱讀：朱慧敏一家三口另類慶祝首個聖誕 小公主脹卜卜萌樣勁可愛
朱慧敏BB新相：
朱慧敏留言：「SheRa Ra依家兩個月大 ，佢出世時六磅幾，依家佢13磅，係出世時嘅－倍，兒科醫生話，通常BB要3-4個月體重先會係出世時嘅－倍，SheRa Ra好乖，食得、瞓得、便便暢順，佢好乖，成日笑，夜晚食完奶就瞓覺。日頭瞓醒覺，佢就自己坐喺車仔玩，陪我煮飯洗衫晾衫，陪我食早餐食午飯。多謝妳選擇我做妳媽咪呀，SheRa Ra！多謝上天安排－個可愛乖巧健康嘅BB俾我。呢兩個月好多人生第一次 ，好多新嘅生活方式 ，我都仲係適應調節中。多謝大家對我嘅支持、鼓勵、關愛，夠鐘餵奶奶喇，再傾。Have a very good day everyone」。
朱慧敏B女似爸爸
影片中，BB女笑口常開，又眼仔睩睩望住鏡頭甜笑，對一切所見所聞充滿好奇，未來大有可能繼續媽媽的衣缽。不少網民見到BB女的可愛樣，大讚得意，又指：「BB皮膚真好！」、「好靚女，眼好靚」、「好似爸爸」、「似足爸爸！仲係加大碼！」、「同爸爸一樣樣，好可愛」、「好像爸爸眼大大，精靈可愛」等。
朱慧敏夫妻生活靚相：
其他文章：
朱慧敏宣佈誕下6磅半小公主！感覺猶如天使降臨：感謝選擇做我們的女兒
朱慧敏抱B一家三口直播！標緻女兒全程勁乖唔扭計萌到爆 預告將開Live餵奶
朱慧敏B女出院回家！老公親自操刀影母女照 手長腳長盡得媽媽真傳
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
