J2主持文頌男患癌丨直擊疑似瞓走廊3日化療過程 苦呻副作用極難頂：仲有五次
發佈時間：16:00 2024-01-06
J2節目《不正常愛情研究所》主持文頌男（Koba）數月前確診罹患罕見的尤文氏肉瘤（Ewing's Sarcoma），停工兩個多月來頻頻出入醫院，上月底（29日）則自揭住院3日進行化療，已出院的他近日於社交平台大談副作用，坦言治療過程極其難受。
相關閱讀：J2主持文頌男患癌丨昨忽然自爆再度入院留醫 手背插管一臉倦容獲好友陪伴
文頌男近況係點？
文頌男昨日（5日）在社交網上載最新一段「癌病日記」短片，向大眾交代近況。由於椎間近盤骨位置生了一個6厘米大的惡性腫瘤，令文頌男難以久坐或站立，影片一開頭身處的士車廂中的他側靠座椅說：「又要跪住搭車。」鏡頭一轉，文頌男已躺在病床等注射化療藥，當中可見其病床疑似安排在走廊位置，吊完兩包藥後他坦言︰「真係勁辛苦，勁唔舒服，全身發冷，想嘔，肌肉痛，長期插住個導管。」
文頌男樂觀自嘲似「X教授」
文頌男在住院第二天獲好友探病，其間亦拍下了當日的醫院餐，包括豉油雞髀、涼瓜配白飯，尚算豐富。文頌男透露仍需入院5次進行化療，他嘆道：「其實真係驚咗，打完藥好多日都仲好唔舒服」、「真係唔知點頂」，不過文頌男依然好樂觀，連日於IG Story貼出光頭自拍，並自嘲：「我覺得自己着埋樽領真係好似Professor X（漫威超英電影《X戰警》系列角色「X教授」）。」
點擊睇文頌男自揭患癌：
文頌男期盼不時盡快過去
有網民指被其樂觀性格搞喊，文頌男則謂：「其實真係辛苦、真係難受、真係好唔開心，所以喺可以開心啲嘅時候盡量開心。」問到如何為自己打氣？他續說：「都冇咩特別打氣，就係特別唔舒服嘅時候諗住『好快就會過去、幾廿個鐘就會過去、幾日就會過去、幾星期就會過去，好快啫，過咗就舒服啲，舒服啲就會開心啲，舒服啲嗰陣就可以做到多啲唔同嘅嘢』。」
其他文章：
J2主持文頌男患癌丨半年前腰痛揭發患罕見癌症 自爆曾陷情緒抑鬱萌輕生念頭
J2主持文頌男患癌丨光頭新相曝光！自揭化療致狂甩頭髮 每4小時食嗎啡止劇痛
J2主持文頌男患癌丨嚴寒覆診跪足三個鐘 公開病歷報告自揭病況突轉差
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY
