伍仲衡結婚｜敷Mask開直播揭一環節頂替玩新郎 11字開腔回應未婚妻大肚傳聞
發佈時間：13:05 2024-01-06
現年50歲的音樂人伍仲衡（伍Sir）為TVB節目《中年好聲音》系列擔任評審而人氣急升，去年他在個人音樂會上向PR女友Ida（徐麗芬）求婚成功，一對新人將於今午（6日）假香港嘉里酒店舉行婚禮。昨晚（5日）伍仲衡率先於社交網開Live大爆結婚細節，自言心情不緊張，倒是十分期待。
相關閱讀：中年好聲音｜伍仲衡甜晒婚照未婚妻低胸晒火辣身材 1.6搞婚禮兄弟姊妹團星光熠熠
伍仲衡新房敷Mask開直播有幾趣？
伍仲衡先後於社交網開心Share未婚妻Ida的爆乳婚照，令人驚艷，並冧爆寫道：「期待與你一起過日子。」昨晚置身酒店新房的伍仲衡，又敷住Mask在Facebook開直播，其間更打破紀錄直飆1,000多人收看，令他興奮得連忙叫網民截圖，還笑道：「因為聽日係大喜日子，所以為隆重其事今晚敷個Mask，我十年都唔敷一次，但為聽日都要敷一敷。我覺得我敷Mask帶貨可以搵到客戶，呢個係一個好好證明我有帶貨能力。」
伍仲衡爆結婚細節堪稱「世紀婚禮」
直播期間除自彈自唱冧歌外，伍仲衡亦透露今晨將Skip晒接新娘行程，皆因昨晚二人已共住一房，並謂會以唱歌表演代替玩新郎環節：「玩音樂仲好啦，所以聽日唔使倒屎咁早，大概10點起身化妝Set頭，之後同兄弟姊妹影吓相，下晝就做少少綵排。」又爆婚禮舞台工程大，堪稱「世紀婚禮」，他續說：「聽日個Opening將會感動到不能再感動，我覺得我聽日會喊，但我唔會撳（忍）住，開心嘅眼淚咪由佢流囉。」
點擊睇伍仲衡陳年舊照：
伍仲衡感激未婚妻包辦8成婚禮籌備
及後伍仲衡感激未婚妻Ida，指自己因忙於工作無暇分身，故8成以上的婚禮事宜均由女方籌備，他嘆道：「排位（座位）係超繁複，因為要諗呢個唔可以同嗰個坐，嗰個又要同呢個坐，TVB係咪唔可以同ViuTV坐？商台可唔可以同新城坐呢？即係要諗呢啲，嘩，真係超級複雜呢件事，我見到都頭暈，但佢（Ida）日以繼夜咁改，起碼都改咗一個月。」語畢隨即大叫「老婆 I love you」，伍仲衡大讚Ida靚女之餘，更猶如「超人」般能幹的老婆。
對於Ida被指疑肚凸凸有喜，伍仲衡沒好氣回應：「得啖笑，我先係凸肚嗰個嘛。」此外，他又多謝《中年好聲音》參賽者涂家堯贊助今次一對新人、雙方父母及兄弟姊妹團的婚紗禮服。
其他文章：
伍仲衡孖七師傅直播Jam歌驚變驅鬼實錄 被警告切忌房中親熱後果可大可小
伍仲衡筵開33席賀「入五」！《中年好聲音》仝人現身 支嚳儀親製三層蛋糕賀壽星
中年好聲音丨伍仲衡23年前長髮瘦樣曝光！曾與評判拍檔周國豐同台 後生竟似型男馮德倫？
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
