肥媽李鼎打大佬丨肥媽15字還原首任丈夫出軌場景！ 游嘉欣「墊」鬥格扮Double May
發佈時間：15:30 2023-12-28
由肥媽（Maria Cordero）、李家鼎（李家鼎）及游嘉欣主持的TVB飲食節目《肥媽李鼎》，4月播出後廣受好評，最新一輯《肥媽李鼎打大佬》載譽歸來，將於1月1日起，逢周一至三晚10點半播出。
【相關閱讀】：游嘉欣挑機「波波」黃婧靈！孭斜孭袋視覺效果極震撼 自爆有「僭建物」
【點擊睇游嘉欣扮Double May】：
《肥媽李鼎打大佬》肥媽、李家鼎每集將配合不同主題炮製不同菜色，12集節目主題分別為「論盡終身大事」、「慶功變㷫功」、「職場求生術」、「人生導師的盛宴」、「壽星的煩惱」、「橫財必勝法」、「婚姻的抉擇」、「宵夜風雲」、「退而不憂全攻略」、「大家族爭產風暴」、「一團和氣闖年關」和「新春傳統禁忌揭秘」。
游嘉欣被肥媽鼎爺夾攻
前播出預告片花生指數極高，游嘉欣提到肥媽第一任老公出軌事件，肥媽直認不諱：「返到屋企時，有兩條友瞓喺我床嗰度。」游嘉欣聞言嚇到O晒嘴！早前傳出有拖拍的游嘉欣，被肥媽和李家鼎夾攻，肥媽說：「圈外人吖嘛，連我都知啦。」李家鼎加多腳說：「我知道咗好耐啦，唔講之嘛。」被玩的游嘉欣則口窒窒搞笑謂：「冷靜啲先大家！」縱橫娛樂圈多年的肥媽更大拋娛圈金句：「娛樂圈冇是非你做咩呀？最緊要有是非，你理得佢好定唔好吖？」字字珠璣！
「00後問題少女」游嘉欣每集開首都會上演小趣劇大放笑彈，並會一人分飾六角，包括游嘉欣本人、惡死包租婆、橙髮男仔頭、冬菇頭林亞珍、金髮Rock妹以及身材勁爆的Double May，可愛度十足的游嘉欣還會在小劇場大晒Cute爆表情包。
游嘉欣「升Cup」扮Double May
眾多角色中最吸睛的造型非「墊」鬥格十足的Double May莫屬，游嘉欣受訪時害羞指花了不少時間「升Cup」：「入面攝咗好多綿花整到有一定嘅厚度，再加埋個斜孭袋，咁先做到製作組想要嘅『山峰』效果，其實突然間身材變得咁唔同，都真係有啲尷尬嘅，感覺好唔係自己咁，不過作為飾演Double May嘅演員，我會抱住專業嘅態度去完成呢個小劇場。」講到一人分飾六角最大難度，游嘉欣坦言被配音考起：「因為幾個角色變化都好大，每個角色嘅年齡層都唔同，配音嗰時真係絞盡腦汁，又要Chok聲又要扮男仔聲，雖然好難，但都覺得好有趣。我自己最鍾意Rock妹個角色，因為自己聽番個配音都覺得唔錯。」
【其他文章】：
肥媽李鼎丨肥媽「嘥氣」爆紅全因已故名導林嶺東提攜 大爆當年被屈過檔亞視收入大減
肥媽李鼎丨游嘉欣竟然話生蠔似精子以形補形嚇親肥媽 寸嘴鼎爺：食蝌蚪吖笨
肥媽李鼎丨游嘉欣語出驚人想知肥媽曾否被「問價」 鼎爺爆周潤發入行初期勁捱得事跡
23歲TVB小花游嘉欣激罕晒泳照！一件頭大露背至臀部 身材玲瓏浮凸極吸睛
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
