星8卦｜「牛奶仔」為前途同「大喱」扮情侶 為真女友終止假新聞蝕章
更新時間：11:30 2023-12-26
發佈時間：11:30 2023-12-26
發佈時間：11:30 2023-12-26
字體大小
「牛奶仔」終於公開真女友嘅身份，成個人都輕鬆晒，因為女方有啲家底，唔失禮自己，亦喺埋一齊好一段時間，如果再係照以前為上位而委屈，對兩個人都唔公平。「牛奶仔」無乜運，當日有高層叫佢幫手做吓人哋嘅假男友時，「牛奶仔」好認真諗，因為當時同女友啱啱發展緊，但「大喱」係老闆其中一個新寵，莫名其妙咁出位已經好多閒言閒語，老闆又唔想俾人講又怕老婆知，惟有幫自己條女製造一個男朋友。
「牛奶仔」被揀中係因為平時無緋聞又唔起眼，咁啱同「大喱」有合作機會，雖然唔係做一Pair，但可以有故仔話兩個人接觸完就互生好感。劇本編好，「牛奶仔」都希望有啲新聞，高層又應承咗成串嘅計劃幫佢，於是兩個人上演呢齣假鳳虛凰戲碼，都有成兩年時間，直到女朋友頂唔順要公開，「牛奶仔」就同「大喱」講，研究吓方案，點知未有共識佢就自己公開分手嘅消息，擺明係要攞番個彩。
初時好嬲嘅「牛奶仔」，但諗深一層都係好事，畢竟係一件唔道德嘅大話，自己又要公開真愛，女方難免無面，佢終於明白點解公司都無人對「大喱」有好印象，除咗以為後台硬可以橫行，呢種唔輸得嘅性格，都好犯眾憎。
【相關文章】：
星8卦｜「家姐」誤信「有錢」以為有婚結 做好事救「妹妹」出生天
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
