新聞女王丨舊愛黃心穎受訪剖白「安心事件」心聲 馬國明88字大方回應：唔好再提
發佈時間：13:02 2023-12-23
佘詩曼、馬國明及高海寧等眾《新聞女王》演員，今日（22日）齊集澳門出席活動，齊齊睇《新聞女王》大結局，剛在泰國舉行完婚禮的馬國明身穿粉藍色西裝現身，心情勁靚的他指因要賺錢養家，所以盡快復工：「男人要賺錢養家，我係打工仔唔係富二代。」
【相關閱讀】：馬國明湯洛雯結婚丨陳敏之受邀見證留言洩婚宴邀請時機！ 「大哥」鄭嘉穎又被網民翻舊帳
【點擊睇馬國明講婚禮】：
湯洛雯蜜月想睇北極光
馬國明又大爆蜜月之旅行程：「老婆想睇北極光，睇吓之後劇同劇之間可唔可以計劃一下。」至於是否要賺奶粉錢？馬國明則表示要隨緣，但雙方也沒有壓力，問到在泰國是否有努力做人？他即尷尬地說：「呢啲唔講，總之大家都好樂意，如果有都會欣然接受天賜嘅禮物。（生幾個？）唔會太多，最多兩個，驚分唔到時間，都係一個起兩個止。」雖然今次泰國婚禮有很多人開心到喊，但馬國明就指他與老婆湯洛雯沒有：「老婆忍到，我係開心多過喊。」
馬國明岳父教夫妻之道
馬國明指婚禮上有很多難忘的事情，其中一項是跳舞，他表示以前很抗拒跳舞，但今次就難得的享受：「婚禮隻舞係第一次覺得享受，可能當時氣氛令到成件事好靚，我諗我真係人生第一次覺得享受，雖然唔係跳得好，因為自己根基有限，但每次我無以前咁樣抗拒跳舞，台慶跳舞心裏面都有少少抗拒，因為跳得唔好。」馬國明表示岳父大人叮囑大家開開心心，要互相忍讓等等。
馬國明竟然無戴婚戒
馬國明笑言現在終於等到靚湯叫他做老公，感覺幾爽：「佢一直都唔肯叫，話結婚先叫，而家都幾爽，好sweet，聽到呢個稱呼都開心。」問到他為何今天不戴婚戒？他說：「我驚跌咗俾老婆鬧，所以尋日攞咗去改，好驚唔見，實俾人鬧，自己都唔好意思。（買過一隻。）意義都唔同咗。」
【點擊睇馬國明晒婚禮「四大長老」合照】：
對於《新聞女王》大結局，他表示沒有特別不捨，最緊要觀眾喜歡，至於是否希望拍續集，他表示要睇公司話事，相信監製籌備劇集的時候沒有想過要拍續集，由於每條線都完結，是否真的能繼續發展，就要問他們。問到鄭嘉穎是否已約他食飯？他表示最近很忙，沒時間，要得閒先約：「太熟唔使刻意，佢話約食飯之後俾返份禮。」
馬國明祝福黃心穎
另外，舊愛黃心穎近日剖白「安心事件」的感受：「大家都唔好再周旋喺嗰件事度，每個人都已經重新開始，佢又結咗婚我又結咗婚，呢件事都唔需要再提，好多年前嘅事，都唔需要再點提。」對於黃心穎祝福他結婚，馬國明說：「我都祝福佢，希望佢幸福快樂，大家都重新開始，呢啲咁舊嘅嘢唔需要攞返出嚟講。」
【其他文章】：
馬國明湯洛雯結婚丨馬國明花近百萬搞童話式婚禮 婚後一周即北上吸金「補數」
馬國明湯洛雯結婚丨再晒巴黎高清婚照 湯洛雯露白滑長腿好吸睛 訂情信物獨角獸登場
馬國明湯洛雯結婚丨馬國明激罕貼全家福「四大長老」同框 憑一舉動獲認證好老公
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
