馬國明湯洛雯結婚丨陳敏之受邀見證留言洩婚宴邀請時機！「大哥」鄭嘉穎又被網民翻舊帳

更新時間：14:15 2023-12-20
發佈時間：14:15 2023-12-20

馬國明湯洛雯結婚丨陳敏之黎諾懿與馬國明相交20年喜獲邀見證「大哥」鄭嘉穎又被翻舊帳：香港人邊個唔忙？

馬國明與湯洛雯（靚湯）於周六（16日）在社交網宣布已經完婚，兩人的婚禮於泰國蘇梅一間五星級渡假式酒店Conrad Koh Samui舉行，連日來一眾兄弟姊妹團分別在社交平台分享與一對新人相交多年的感受，想不到因為黎諾懿和陳敏之的留言，鄭嘉穎再因缺席馬國明的婚宴而被網民批評！

【相關閱讀】：馬國明湯洛雯結婚丨再晒巴黎高清婚照湯洛雯露白滑長腿好吸睛訂情信物獨角獸登場

【點擊睇馬國明兄弟團】：

為馬國明擔任「兄弟」之一的陳敏之，出席完婚宴後，亦有貼上與一對新人的合照並說：「記得半年前的一個早上，收到你的WhatsApp說你要結婚了，想邀請我們出席，問我可以嗎？嗰一刻我真係好感動，跟住諗都冇諗就即刻答你我哋一齊出席，非常替你們高興，跟住我就即刻訂機票同埋請假兼保守秘密。」

陳敏之又稱馬國明相識已經有20年，兩人從2003年因《下一站彩虹》，20年後再證好友的人生大事，她還說：「做你嘅兄弟團，陪你娶老婆，真係好開心。我而家仲喺度回味緊，蘇梅島嘅點點滴滴，啲相應該有排post。」最後她更說：「真係要讚你老婆，全個婚禮都係佢一手策劃，真係好勁！相信我哋呢班兄弟，好放心將你交俾佢，靚湯一定會好好照顧你。」林子善亦有留言：「你都知道佢個人最怕麻煩人哋，佢搵你做兄弟就知道你喺佢心裏面係幾咁重要。」

黎諾懿與馬國明相識20年

其後黎諾懿亦有出PO留言：「相識二十年，由奧運六星，下一站彩虹，甜言蜜語，C9特工，再到今日，見你成家立室，娶到一個好老婆，衷心替你開心。@roxannetong 相識十載，還記得選港姐當天，我們被編成一組，跟住一齊愛回家，燦爛的外母，再到今日你成為人妻，衷心希望你有一個幸福嘅家庭。希望兩位白頭到老，永結同心，好快可以有你哋嘅專屬嘅足球隊感謝所有兄弟團，應該係有史以來最輕鬆的兄弟團，咁當然要多謝姊妹團，因為有你哋喺度，所以我哋變得好輕鬆。再次多謝兩位嘅邀請，令我同太太有一個久違了的假期。」新娘子湯洛雯亦忍不住留言：「我想講我同你真係有緣到極點， thanks for coming 我師傅，我拍檔，我兄弟！」

【點擊睇馬國明湯洛雯巴黎婚紗相】：

未知是否陳敏之和黎諾懿的留言太有愛，再加上「鐵馬家族」的成員亦有出席，唯獨不見鄭嘉穎，雖然鄭嘉穎曾為「浪費時間」一事解畫：「我哋之前兩兄弟已經拆掂咗！馬國好體諒我，佢知道返嚟，我會同佢食飯同送禮物畀佢。以前搞掂咗，當日受訪唔想講咁多，所以講得唔清楚就話我哋不和同打交。」

但網民似乎不太認同，有網民留言讚黎諾懿和陳敏之夠晒老友：「對呢個朋友着重，幾忙都抽時間，香港人邊個唔忙，問題係肯唔肯做。姓鄭嘅寧願得閒玩ig, 講咩出面好嘈。到越鬧越大，先走出黎澄清，如果真係覺得唔好意思，記者一話佢同鐵馬不和已立即澄清啦。你話下馬明啦，唔好識佢啦！」、「連朱千雪已轉行，做咗大狀，每分鐘都計錢，佢都黎幫手，何依婷自己都做新娘，都仲記得恭喜靚湯，呢個鄭嘉穎，咩咁深仇大恨，連比like都冇，比like 一秒搞掂啦。」

【其他文章】：

馬國明湯洛雯結婚丨巴黎高清婚紗照終極曝光！湯洛雯Deep V超養眼因一原因遲遲未公開

馬國明湯洛雯結婚丨馬國明激罕貼全家福「四大長老」同框憑一舉動獲認證好老公

馬國明湯洛雯結婚丨馬國明公主抱湯洛雯360度旋轉浪漫共舞沙灘晚宴揼本放煙花如童話

馬國明湯洛雯結婚丨回禮禮物揀貴價護膚品湯洛雯冧爆感謝老公給予難忘婚禮

馬國明湯洛雯結婚丨婚禮酒店曝光！蘇梅島五星級酒店行禮親友機票酒店埋單最少要45萬

馬國明湯洛雯結婚丨湯鎮宗夫婦榮升外父外母一舉動眉開眼笑極開心

馬國明湯洛雯結婚｜6人兄弟團終極曝光！馬國明跪地斟茶搞喊唐詩詠林子善

馬國明新婚後首曝光！手戴戒指春風滿面被集郵傳孖湯洛雯留蘇梅島度蜜月

馬國明湯洛雯結婚丨湯洛雯索爆姊妹團有3個港姐！齊露香肩賀嫁人仲有呢啲賓客現身

馬國明湯洛雯結婚丨與黃心穎婚紗大對比！湯洛雯簡約設計更顯純情舊愛10月嫁泥鯭性感艷麗

馬國明湯洛雯結婚丨拆解新人留言兩個「定情Emoji」！曾以獨角獸同小馬洗鴛鴦浴放閃