馬國明湯洛雯結婚｜6人兄弟團終極曝光！馬國明跪地斟茶搞喊唐詩詠林子善

即時娛樂

更新時間：14:22 2023-12-16
發佈時間：14:22 2023-12-16

馬國明與湯洛雯（靚湯）被爆周三（13日）於泰國蘇梅島完婚，今午（16日）一對新人終在社交網公開婚照，跟大家分享新婚的甜蜜喜悅！一直聽話「封口」不提婚禮詳情的唐詩詠，隨後亦立刻分享「兄弟團」接新娘的花絮照。

【相關閱讀】：馬國明湯洛雯完婚！露背婚照曝光 IG留言兩個字甜蜜滿瀉

【點擊睇馬國明6人兄弟團】：

婚前，湯洛雯的姊妹團名單曾於告別單身之旅曝光，其胞妹湯樂瑤（Cassandre）擔任伴娘，有指一男四女圈外人則擔任「姊妹」，惟馬國明一直未有透露兄弟團成員。今日唐詩詠在社交網貼出5張照片，令6人「兄弟」名單終揭盅，包括「鐵馬家族」成員唐詩詠、黃嘉樂和林子善，以及好友胡鴻鈞、黎諾懿和陳敏之。

【點擊睇馬國明湯洛雯放閃】：

唐詩詠寫道：「二哥娶老婆，我哋笑呵呵，押個韻先，真係好好好好好好好好好好好好好開心，由早上開始，除咗笑，就已經喊不停，無辨法，我哋真係好開心好興奮，二哥搵到一個咁好嘅老婆，未來呢幾日都係婚禮嘅相，大家忍耐一下。」相中可見，眾人均穿上杏色馬甲背心及西褲，伴着新郎攻入酒店房接新娘，其間見到馬國明跪地，估計是依照中國傳統習俗向雙親斟茶，眼淺的林子善在旁見證重要一刻即感動落淚，搞到站在隔離的唐詩詠忍不住爆喊，黎諾懿睇見此情此景卻笑不停，相映成趣。

林子善大讚湯洛雯擁超凡能力

此外，林子善亦貼出與馬國銘兩兄弟的溫馨合照，並感性寫道︰「馬家娶新婦。再次多謝二哥二嫂嘅安排，了解二哥為人乜都冇所謂，這個婚禮九乘（成）係二嫂包辦，所以知道佢哋結婚嘅時候，我話有咩幫手一定要開聲，因我都好緊張二嫂太吃力，但所有流程安排婚禮佈置，沒有婚禮策劃可做到完美，咁就可以證明我呢個二嫂，絕對有驚人同超凡嘅能力，去照顧好我二哥嘅下半生。我成日講幾個冇血緣關係，但有血緣關係一樣嘅親情，話唔定係我哋已經超越咗，真心我一定會係其中一個，再一次喺度祝我二哥二嫂，白頭到老永結同心快生B，亦都再次多謝二哥選擇我，做今次佢嘅伴郎佢同我講，細佬你今日角色係我伴郎，呢種信任一切盡在不言中，I LOVE MY BIG FAMILY.」