沈震軒炫富新片收價值百萬寶馬名車女友陳欣妍：恭喜喜迎新車

更新時間：23:00 2023-12-19
發佈時間：23:00 2023-12-19

現年40歲的沈震軒與30歲陳欣妍拍拖六年，經常在社交網拍片放閃，又會製造驚喜送對方，當中更有不少影片被指炫富。沈震軒最新公開的一條影片，就相當大手筆，因為沈震軒收到寶馬全新的電車，價值過百萬，沈震軒被女友陳欣妍整蠱，一度露出傻笑，未能給予反應。

【相關閱讀】：沈震軒揸400萬名車繼續炫富豪玩Staycation奢華品酒歎Spa極享受

【點擊睇沈震軒晒百萬新車】：

陳欣妍與沈震軒拍拖多年，有感一直沒有送過男友合心水的禮物，因此提早送出驚喜，將聖誕、新年、情人節禮物一次過送出。陳欣妍因最近發現沈震軒表示座駕好像有點舊，便靈機一觸送車做禮物。陳欣妍與工作人員及車行夾計，聲稱在車行有拍攝工作，騙沈震軒到場，當他來到時，站在新車前的陳欣妍，面前的閘門慢慢升起，她便對沈震軒說：「Surprise！」此時，沈震軒只是露出傻笑，仍然在狀況外，不懂畀反應，直到陳欣妍開估：「恭喜沈生喜迎新車！」

沈震軒唔知攞車

沈震軒終於發現自己被女友整蠱，才說：「而家冇晒演員㗎啦，全部都係演員。」沈震軒之後再向車行職員確認：「所以架車係冇問題嘅？」陳欣妍之後為男友的反應做解說：「因為佢（沈震軒）為人比較慢熱，其實內心應該係非常之激動，同埋佢會一路好尷尬。如果你哋zoom近佢，佢唔鍾意俾人見到自己被surprise個樣。」事實上沈震軒非常開心，不過未能即時接受驚喜禮物直言：「我個小心臟承受唔到好多次，究竟有幾多？我個狀態好難形容，因為我啱啱連續開工，冇覺瞓，今日好攰，又要繼續工作，點知突然間話畀我聽唔係工作呀，今日係攞車。」

【點擊睇沈震軒陳欣妍豪宅】：

直到沈震軒冷靜過後，便開始研究新車的各項功能，二人站在車尾聽車行人職員講解車尾箱的開關操作時，陳欣妍突然一腳踢向車底，沈震軒當場瞪大雙眼一臉震驚，表示：「唔係叫你踢佢呀。」之後才親自示範用腳輕掃車底的感應開關，二人之後駕著新車返家，沈震軒更開心稱因為要往返公司及屋企，轉用電車後可以慳回入油時間，只要在家充電即可，非常省時又方便，可見到女友送上的禮物非常滿意。