顏志恒貼陳年婚照慶結婚10周年！與老婆歎平價日燒育有兩子屢晒慈父照

更新時間：20:00 2023-12-10
發佈時間：20:00 2023-12-10

現年44歲的《中年好聲音》第一屆參加者顏志恒，從比賽期間已獲太太陪伴打氣，早前在九展舉行生日音樂會，太太更上合唱《陪着你走》，大晒幸福。原來顏志恒與太太已經結婚10周年，前日（8日）他在社交網貼出與太太的結婚相，慶祝結婚10周年。

【點擊睇顏志恒家庭相】：

顏志恒寫道：「happy 10th anniversary，感謝你既（嘅）付出，承諾珍惜一輩子」，婚紗相中見到二人在深入叢林拍攝，穿上露肩婚紗的顏太，晒出小腿坐在樹幹上，而顏志恒繞起雙手一臉冷酷，與太太配合背山光禿樹林的環境構圖，展望獨特的個性。另一《中年好聲音》參加者魏嘉信留言祝福外，不少網民也有留言：「終於影咗（祝福同Fion幸福一世）」、「祝福你們白頭偕老，幸福滿滿」、「相愛到永遠」等。

打算再影婚紗相

而顏太昨日（9日）也有在社交網分享與老公顏志恒的合照，並感嘆道：「咁就10年，結婚第三年嘅時候計劃10周年影多一輯婚紗相，然後又覺得好似要等好耐咁，不如五周年算啦，點之眨吓眼就10周年。因為夾唔到時間，婚紗相影唔切，希望下年年頭可以夾到期快啲補影返。」照片中見到老婆視角的顏志恒望住燒肉，估計二人歎平價日式燒肉慶祝。

一家人學校旅行

顏太續寫道：「今年都係一如以往，簡簡單單食個飯，行吓街，然後坐咗一轉船過海就返屋企喇！中間有諗過好唔好睇一場戲，但係驚大家都攰到瞓着咗，所以就取消咗呢個環節。happy 10th anniversary！ #1208 #結婚10周年 #錫婚 #繼續同行 #在心中 #數數手指 #1+1變4」。而今日顏太貼出一家四口照片留言：「通頂再陪仔去學校旅行，係愛呀！」