中年好聲音決賽｜吳大強獲囝囝撐場唱到甩beat 顏志恒被狠批唱腔似無病呻吟

更新時間：22:24 2023-04-23
發佈時間：22:24 2023-04-23

TVB綜藝歌唱真人騷《中年好聲音》決賽於今晚（23日）舉行，最後六強李佳、龍婷、吳大強、顏志恒、羅啟豪及周吉佩，將大戰兩個回合爭奪冠、亞、季軍殊榮，最終賽果會綜合專業評審評分及觀眾投票。首回合現正進行中，眾參賽者各自演出一首慢歌及一首快歌，賽前被視為大熱的吳大強和顏志恒（Benson）先後登場，

【點擊睇決賽精彩演出】：

顏志恒率先以許志安的《爛泥》迎戰，獲大批粉絲舉牌支持，惜評審卻不太滿意其表現，B哥哥鍾鎮濤說：「Benson一向好穩，但有樣嘢我留意咗好多次，你一路攞咪都好黐住個嘴，輕聲就好啫，但如果你唱大聲、要爆嗰事都係咁呢，有時Engineer唔得醒同你拉低啲，就會爆（咪）拆聲，所以如果你留意埋呢點就會更好。」伍仲衡直斥似無病呻吟：「你有啲語氣比較Over咗，反而呢首歌要帶出一種大愛，點樣將自己踩到最低來守護你，我未Feel到嗰種感覺。」最終顏志恒獲得83分。

至於吳大強以張學友《吻別》及Michael Learns To Rock《Take me to your heart》出賽，獲三子吳偉豪（Ricco）舉燈牌現身支持，吳偉豪任職香港消防處消防隊長的大哥、任職機師的二哥均在台下撐場。其間吳大強有少少甩Beat，事後在譚詠麟一問之下發現患感冒的他帶病上陣，呂方則謂：「我覺得你好好表現，係國語差少少，其他好好。」最後吳大強獲得84分。