47歲滕麗名罕放閃賀錫婚老公豪送近4萬靚酒被逼假笑留影：希望頂到多20年

更新時間：17:30 2023-12-08
發佈時間：17:30 2023-12-08

47歲滕麗名近年拍《愛·回家之開心速遞》事業再創高峰，而與金融才俊朱建崑（Matthew）亦婚姻美滿。滕麗名2013年於泰國蘇梅島舉行婚禮，雖然滕麗名與老公朱建崑婚後沒有生兒育女，但仍無損夫妻感情。一直愛得低調的滕麗名趁結婚10周年，一連兩日於IG出Po晒恩愛，羨煞旁人。

【相關閱讀】：滕麗名激罕放閃！揸保時捷送老公機「不顧一切」車上一物揭是名牌愛好者

【點擊睇滕麗名夫婦放閃】：

適逢昨日（7日）是二人結婚10周年，滕麗名今日（8日）於IG貼出夫婦倆的搭膊合照，並簡單寫道：「咁就10年，辛苦晒。」原來老公朱建崑昨晚帶她到一間高級食府大歎日本Fusion菜及靚酒，兩人置身滿布花草及波波燈光的環境下共聚晚餐，氣氛浪漫，未料引來《愛回家之開心速遞》兒子「金城安」周嘉洛和「風少」陳浚霆踩場，周嘉洛心心眼笑稱：「其實我同你都6年。」陳浚霆則賣口乖：「仲有無限個10年。」

朱建崑名貴靚酒贈滕麗名

為慶祝錫婚，朱建崑亦特意挑選一支名貴靚酒送給太太作紀念，滕麗名收到後爆笑表示：「從前，有個老公好開心咁，買咗支『佢』心愛嘅酒送畀老婆做禮物，重點係佢要佢老婆好開心咁同支酒合照，同時，佢希望頂得到我多20年開到支酒。」根據網上資料，該酒為2023年出產的麥卡倫30年雪莉桶單一麥芽威士忌，網上售價約38,500港元，認真揼本！

【點擊睇滕麗名坎坷情路】：

滕麗名曾呻老公拒買生日蛋糕

雖然滕麗名年初曾大呻老公堅持不買生日蛋糕，今次又買對方自己喜歡的酒當禮物，但其實滕麗名不知幾享受，她於今年8月接受網上節目《絲打圍爐》訪問時，曾自爆一向鍾意「Man啲」的男人：「我鍾意人有好多唔同嘅嗜好，樣樣都識啲就會覺得好Man，會崇拜佢，就算佢好兇狠，我都會好崇拜佢。」並謂老公最吸引之處是夠冷靜，而且情緒控制得好好兼多嗜好，因此完全不怕對方悶。