流行都市｜安德尊煩膠駁嘴惹緋聞女友宋芝齡發火 李家鼎高EQ面對獲讚好修養
更新時間：20:00 2023-11-19
發佈時間：20:00 2023-11-19
發佈時間：20:00 2023-11-19
字體大小
人稱「大王」的62歲安德尊主持TVB節目《都市閒情》和《流行都市》多年，一直予人形象多口兼寸寸貢，早前新加盟的李家鼎（鼎爺）於新環節「鼎爺家常菜」教煮飯，未料安德尊仍死性不改在旁嘈嘈閉，搞到對方發火兼黑面，雖然當時他即知驚收聲，但近日再回復「開籠雀」本性，最終連緋聞女友宋芝齡都忍不住當眾開罵！
【相關閱讀】：宋芝齡出戰12月區議會選舉！年初入自由黨任要職 避談安德尊會否助選
【點擊睇安德尊駁嘴】：
事緣最後一集「鼎爺家常菜」教煮乾煎茄汁大蝦，安德尊在備料及醃蝦時已猶如「鸚鵡」句句秒復述李家鼎的說話，其間又喪問無知問題，幸李家鼎經過多集後已「百毒不侵」，全程以高EQ冷待這位「問題兒童」，連宋芝齡也大讚：「啱㗎喇鼎爺，唔使直接應佢講嘢。」
不過直到煎蝦一刻，安德尊懶醒指蝦已煮熟變「C」形，李家鼎沒好氣稱裏面未熟，安德尊即長氣死拗：「就係囉，我就係問你熟未囉，咁你話『C』咗我以為熟咗嘛。」此時，一直沉默不語的宋芝齡終於爆Seed展霸氣：「咁點啫！咁咪未熟囉！」安德尊即扯開話題，氣氛尷尬。
【點擊睇安德尊宋芝齡緋聞】：
對此，不少網民大讚李家鼎好修養，又轟安德尊口水太多煩到爆：「大王不停在佢耳邊大聲夾無水準問埋啲低能問題、真係辛苦晒阿爺」、「大王好煩，鼎爺收咗火，如果唔係會鬧到佢翻天」、「真佩服鼎爺咁好老脾」、「恭喜鼎爺唔使再對住愚者安德尊」、「大王真係好煩，啲語氣有啲撩交嗌咁，點解咁多人投訴佢都唔收吓把聲」等。
【其他文章】：
安德尊太嘈疑似激到李家鼎黑面 直認現場火氣十足：佢都咁大聲啦！
李家鼎傳一原因「降呢」《流行都市》教煮飯 難頂多口安德尊叉頸兼黑面
宋芝齡安德尊終「開花結果」拜堂成親？ 收長輩order要日日夜夜密密做
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
