宋芝齡安德尊終「開花結果」拜堂成親？收長輩order要日日夜夜密密做

更新時間：18:00 2023-10-10
發佈時間：18:00 2023-10-10

現年44歲的宋芝齡與62歲安德尊的「戀人」關係疑幻疑真，雖然兩人曾被發現到私竇密會，但至今都未有承認關係，不過在外界眼中，早已視他們為一對。宋芝齡與安德尊終於「開花結果」，近日終於舉行拜堂結婚儀式，在「老爺」叮囑下，一對新人要日日夜夜都要密密做，早日添丁生個兒童樂園！

【相關閱讀】：安德尊慶祝62歲生日左擁右抱錫人妻宋芝齡耍花槍晒大腿紅印

【點擊睇安德尊與宋芝齡行禮】：

今次宋芝齡與安德尊拜堂結婚，雖然只是《流行都市》其中一個環節，原意是介紹中式婚禮各種習俗及禁忌，不過一對「新人」相當認真，由上頭、出門、拜堂甚至三朝回門傳統習俗做到足，宋芝齡與安德尊齊齊穿上中式禮服，在「老爺、奶奶」面前拜過堂，正式成為夫妻，有不少網民看完短片，留言祝福「一對新人」，認真搞笑！

【點擊睇安德尊62歲生日與宋芝齡慶祝】：

其實這對緋聞男女，多年來在鏡頭前似十足歡喜冤家，不時鬥咀兼動手動腳，但轉個頭又可以攬頭攬頸，已經深得觀眾受落，早前安德尊的62歲生日時，《流行都市》的台前幕後迫爆廠為他賀壽，當日安德尊已經毫不忌諱一手將宋芝齡擁入懷中，兼公然大大力打宋芝齡大髀，表現相當親暱，其後安德尊更說：「因為佢咁上下喇，搵唔到，求其擸一件，我就俾佢擸咗過嚟。」宋芝齡當然否認：「我從來冇擸你，唔好以為自己新絲蘿蔔皮。」安德尊續說：「佢親近我。」搞到嘉賓黑妹（李麗霞）都被場面搞到毛管戙：「我識安德尊咁耐，我未見過佢同一個女性嘅朋友有咁親密嘅行為，第一次咋細佬。」