星8卦|「番妹」「巴佬」痴戀多年做得成夫妻 全靠前妻助攻三人世界好融洽
更新時間:11:00 2023-11-14
發佈時間:11:00 2023-11-14

呢個世界就係咁,得唔到就恨,得到又未必好。講嘅係「番妹」同「巴佬」呢段姻緣。當日「番妹」做過江龍,第一次合作就係同「巴佬」,對方鬼鬼哋又係專業人士,所以好啱嘴型,而且「巴佬」床上功夫一流,令到「番妹」要生要死一直都無辦法斬斷情緣。

「巴佬」個老婆「強人」對自己老公嘅事業睇得好實,可以話當日係外國返嚟撈極都唔掂,「強人」用盡喺呢行嘅人面,逐步逐級咁幫「巴佬」上咗神級位置。「番妹」就係「強人」揀嚟幫「巴佬」一把嘅妹妹仔,點知兩個人氣味相投,「強人」預咗「巴佬」花心,但知道無咗自己等同無咗事業,一定將佢封殺,所以用放風箏心態去御夫。

「番妹」如是者同「強人」行埋有幾年時間,愛到難捨難離,「強人」終於見到危機,自己去同「番妹」攤牌,何必為一個無結果嘅男人誤咗將來。最勁係佢幫「番妹」搵到幾個鬼鬼哋嘅男朋友,其中一啲仲係有錢仔,話希望佢可以好好相處,搵到啱嘅人就去發展,果然「番妹」同「太子爺」一拍即合,「巴佬」當然無意見,因為知道係老婆幫自己做緊嘢。

咁多年之後,「巴佬」同「番妹」做得成夫妻,但大家同「強人」依然有來往,「番妹」仲同「強人」對仔女好好感情,「強人」有乜事都搵「番妹」商量,做咗金蘭姊妹。

 

【相關文章】:

星8卦|「霸氣」專吸騎呢男 一腳踏幾船玩夠變孤獨精

星8卦|「少爺仔」追求「妹仔」玩純情落錯注 揭「妹仔」性取向

星8卦丨「細粒」現真身靠惡橫行 收大信封叠埋心水跟大佬搵食

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ