星8卦｜「霸氣」專吸騎呢男一腳踏幾船玩夠變孤獨精

更新時間：11:00 2023-11-10 HKT
發佈時間：11:00 2023-11-10 HKT

「霸氣」到而家仲係對「才子」念念不忘，為因咁多年佢都係同呢個男人最投緣。「霸氣」近年係Dry得好緊要，多少同佢嘅性格有關，但奇在後生幾年晚晚都可以有唔同男人。講真佢咁惡，無乜女性魅力，但成日都有奇怪男人埋身，「矮佬」原來好崇拜佢，「霸氣」初時都好抗拒，不過「矮佬」大男人性格好吸引「霸氣」，咁多年都恨小鳥依人，所以好快都唔介意一齊住。嗰陣「霸氣」同「設計師」仲未分開，有一段時間「霸氣」出嚟衣着打扮好得體，就係「設計師」嘅功勞。

「霸氣」最威係呢段時間，同時有兩個男人欲斷難斷，而且兩個都係瘦弱男人，令佢充份發揮母性，後嚟「矮佬」直情好似咬軟咁，都係「霸氣」做成，話買咗幾十萬禮物送畀自己生日，月尾咪又係幫佢找數。

「才子」出現喺「矮佬」中間，不如咁講，咪睇「霸氣」成個男人咁，佢好吸啲拖拖拉拉嘅男人，「才子」同佢合作咗一次，兩個就好似孖公仔咁出雙入對，日頭係好姊妹，晚黑就瞓埋一張床，「矮佬」知唔知？梗係唔知，因為每晚「矮佬」瞓覺佢就出動，兩個人一間屋兩間房，「霸氣」背住佢出街去「才子」嘅行宮開心，如是者都維持咗幾年。所以兩個唔可能喺埋一齊嘅人可以成20年至分開，係大家搵到空間，可惜「才子」又係有老婆，係「霸氣」玩厭自己要分手啫！