前東張女神林泳淘結婚兩年終海外補辦婚禮讚老公是世上最完美男人盼白頭到老

更新時間：20:00 2023-11-10
發佈時間：20:00 2023-11-10

曾被譽為《東張西望》女神之一的33歲林泳淘，早於2021年宣布與年長一歲的初戀男友林卓立結束14年長跑，當時卻因全球爆發疫情，導致原定計劃在海外舉行婚禮一拖再拖，最終在家人及數名姊妹見證下低調註冊。相隔兩年多，林泳淘今日（10日）宣布已經完婚，在海外補辦婚禮。

【相關閱讀】：前東張女神林泳淘過大禮金器擺滿枱！結婚兩年預告補辦婚禮：我哋下月見

【點擊睇林泳淘完婚】：

林泳淘在社交網分享婚禮的照片，見到一對新人穿上傳統中式禮服向長輩敬茶，林泳淘之後換上露肩開胸婚紗，與老公舉在海邊舉行婚禮。雖然只邀小量親友出席，但二人在晚上的婚宴笑得甜蜜，可感受到當中的喜悅。

林泳淘留言：「終於，以前參加婚禮，每次到多謝父母嘅環節都會忍唔住跟住一齊喊，到自己嘅婚禮，以為嫁咗咁耐，應該乜感覺都無晒啦，點知早上化緊妝，見到老竇情深深眼濕濕咁望住自己，已經一秒淚奔，喊足成朝，但係每次見到媽咪又忍唔住笑佢化完妝成個國民老媽咁（真係好似樣！！）簽紙到依家隔咗成兩年幾，真係諗過好幾次仲有必要補擺嘛？但係見到父母嘅感動同愛，一切都好值得！！」

林泳淘辦婚禮認廢Hea

除了多謝父母外，林泳淘也有感謝老公：「多謝林生，你真係世界上最完美嘅男人，點解咁多年你都可以帶俾我咁多愛同歡樂，希望你長命百歲，陪我到老。多謝所有嚟我哋婚禮嘅朋友，嚟得嘅都係我哋人生入面最重要嘅朋友，無你哋無限量嘅愛同支持，我諗廢hea嘅我哋，真係好多嘢都搞唔掂，第一次結婚好多甩漏招呼唔到，希望朋友們多多包涵。 #feelinglotsoflove #loveyou 收到相同片再洗版」。