前東張女神林泳淘過大禮金器擺滿枱！結婚兩年預告補辦婚禮：我哋下月見

更新時間：14:45 2023-10-20
發佈時間：14:45 2023-10-20

曾被譽為《東張西望》女神之一的33歲林泳淘2021年宣布「封盤」，與年長一年的初戀男友林卓立宣結束14年長跑，由於各地爆發疫情關係，原定計劃在外地舉行婚禮的二人，最終在家人及數名姊妹見證下低調簽紙。相隔兩年多，今午（20日）林泳淘終於在社交網分享過大禮照，疑決定補辦婚禮！

【相關閱讀】：黑雨丨鄭希怡遇水浸車死火狂入水滯留路邊林泳淘趕出門救車水位高到小腿

【點擊睇林泳淘過大禮】：

林泳淘寫道：「Finally，朋友們我哋下月見！#結婚啲傳統習俗真係複雜到爆 #終於又完成一項 #辛苦晒朋友s #辛苦晒爹哋媽咪 #ILOVEYOU」估計一對新人將於下月補擺喜酒，她又大呻初時為過大禮日日睇資料搞到頭都爆，幸後來獲好友幫忙才順利進行：「我同林生對傳統嘢真係零概念…好多奇難雜症怪問題，佢都好有耐性幫我哋解答晒！」相中所見，桌上堆滿喜餅、鮑參翅肚，還有三層金豬牌，龍鳳鈪、金鍊等嫁妝，相當大陣仗，被老公錫錫的林泳淘亦露出一臉幸福笑容。

【點擊睇林泳淘性感照】：

林泳淘（原名林冬冬）曾以藝名「林熙」，作為女子組合Lacee Lacey成員出道，之後參加2012年香港小姐競選，落選後入讀第26期無綫電視藝員訓練班，並簽約成為TVB旗下藝人。擁有32D豐滿身材的林泳淘憑主持《東張西望》及《三日兩夜》彈出，曾參演《來自喵喵星的妳》、《老表，畢業喇！》、《波士早晨》等劇集，惜飾演配角居多，直到2019年9月離巢，之後演出過ViuTV劇《打天下》、《無限斜棟有限公司》及《和解在後》。