吳浩康老婆再爆Seed！郭思琳斥老公「失蹤」見鍾達茵：凌晨三點都未返
發佈時間：20:30 2023-10-17
吳浩康去年才跟郭思琳雙喜臨門，豈料結婚一年多已傳出婚變。郭思琳日前才為影全家福問題公審老公吳浩康，近日又因呷醋吳浩康女友人、歌手鍾達茵（Pam）公然對吳浩康說「掛住你」而發怒。郭思琳對於外界質疑她因一句「掛住你」而醋意爆發，她今日（17日）再於IG發文回應事件。
【相關閱讀】：鍾達茵講「掛住你」不滿被吳浩康老婆公審 搵雷有輝拍片寸爆郭思琳
【點擊睇郭思琳再爆Seed】：
近日郭思琳頻於社交平台「數臭」老公吳浩康，被網民指是繼JJ賈曉晨被封「雯雯2.0」後，變成「雯雯3.0」的女星，直指三者如女子組合。日前吳浩康與女歌手兼ViuTV節目《Chill Club》和音鍾達茵在facebook直播唱歌，郭思琳因看到老公吳浩康離場如廁後，鍾達茵笑說：「你真係要慢慢去，因為我會掛住你，擔心你...」因而令郭思琳爆seed，留言：「作為一個人妻，有人同我老公講埋啲咁嘅嘢，仲要開完Live凌晨孤男寡女去間無人嘅餐廳敘舊，不如大家估吓我會有啲咩感受吖？」鍾達茵亦找來好友雷有輝一同拍片反寸郭思琳，暗指郭思琳因一句「掛住你」而大動肝火實在太敏感。
【點擊睇吳浩康家庭照】：
郭思琳：唔識避忌都要識避嫌
未知是否因鍾達茵日前的暗寸片再度惹怒郭思琳，今日（17日）郭思琳再於IG晒出早前她於facebook的留言，她強調「掛住你」非重點，而是為吳浩康凌晨跟鍾達茵凌晨孤男寡女聚會而生氣。郭思琳更指當日完Live後，吳浩康在未有通知她的情況下跟鍾達茵單獨聚會，郭思琳致電facetime吳浩康時表示不滿，鍾達茵亦在場，吳浩康答應郭思琳盡快回家，卻到凌晨三時仍未見人。郭思琳批評鍾達茵的行為：「點解明知阿嫂唔鍾意佢哋孤男寡女敘舊，都無視人哋感受帶人哋老公去自己間餐廳繼續暢飲呢？會唔會有失尊重呢？既然講得係識咗十幾年嘅『兄弟』，明知阿嫂唔鍾意係咪都會識講下次先飲叫個朋友返屋企先呀？唁識避忌都應該要識避嫌吖！」更表示不會再就此事作回應。
【其他文章】：
吳浩康與女歌手直播「打情罵俏」逐格睇！妻郭思琳發文：我會有咩感受？
吳浩康疑似婚變老婆中秋拖喼離家出走？ 郭思琳自揭已分房瞓一年
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
