吳浩康疑似婚變老婆中秋拖喼離家出走？郭思琳自揭已分房瞓一年

更新時間：23:12 2023-09-30
發佈時間：23:12 2023-09-30

現年40歲的吳浩康去年3月與郭思琳結婚，9月誕下囝囝「撑撑」，不過今日（30日）卻有傳媒報道指兩人傳出婚變，郭思琳更在IG鬧爆老公吳浩康，之後更向傳媒自揭與吳浩康已分房瞓一年。

【點擊睇郭思琳吳浩康被傳婚變】：

報道指郭思琳昨日中秋節，在IG揞名鬧爆老公吳浩康：「先唔講就你改期，再幫你安排埋服裝，乜都安排晒，一句話唔影就唔影，個仔一歲影張全家福都咁辛苦你，咁以後嘅節日你都唔好出席，包括今晚中秋。我永遠都會記得前面孭住個仔，右邊一個喼一個袋，左手拎住蛋糕再拖住隻狗嘅情景。」報道更指令人認為郭思琳想離家出走。

郭思琳否認離家出走

郭思琳接受傳媒訪問，表示與吳浩康「冇事」，又否認離家出走，只是去影樓影相，「拎咗好多嘢啫」。不過郭思琳也表示做新手媽媽好辛苦，更與老公因為囝囝的關係而分房瞓起過一年，指囝囝成日踢腳，令吳浩康冇覺好瞓，她亦認為分房瞓不一定會影響感情，還透露早前一家三口去主題樂園staycation，慶祝囝囝1歲生日。而郭思琳亦有在IG分享囝囝玩燈籠的短片，完全不似婚變。

【其他文章】：

鍾舒漫為舊愛吳浩康婚姻美滿感開心醉心工作未諗嫁導演男友

吳浩康囝囝愈大愈似爸爸一家三口豪華露營一句說話得罪老婆郭思琳遭黑臉

著名歌唱老師梁月玲80歲仲好精靈！學生位位巨星曾教彭羚容祖兒G.E.M.

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ