李璨琛囡囡Lucy爆衝撞傷頭留血痕！實木櫃竟變凹 網民見一特徵憂心視力受損
發佈時間：21:00 2023-10-11
現年48歲的李璨琛2012年與太太「李老母」梁志瑩（Sophia）育有兩個囡囡李元元（Lucy）和李斐斐（Sucy），兩姊妹圓碌碌萌到爆，吸引不少粉絲，更是現在網上最紅的星B之一。今日Lucy媽媽在IG透露Lucy在日前颱風小犬襲港期間，在家中受傷！
【相關閱讀】：Lucy誤會爸爸李璨琛被打奔跑營救 搶武器阻止網民讚揚：無白養
【點擊睇Lucy撞傷頭】：
Lucy媽媽在IG留言：「小犬8號風球當日，李元元喺屋企上演一幕衝力射頭，成個人飛彈埋個名貴實木餐邊櫃，頭殼經過測試夠堅硬竟然俾佢撞凹咗個櫃😱。」Lucy媽還在hashtag補充：「我老公同我講佢撞凹咗個櫃我當佢講笑，然後佢好認真咁同我講佢認真，未睇個女傷勢實在係忍唔住笑到震住出廳看個究竟，feel到我老公好似係有一刻嬲我仲喺度笑。我知道我唔應該笑，但心裏不停諗我個女個頭真係有咁硬竟然可以撞凹個櫃🤔，個鐵頭冇爆其實真係好好彩。貼塊膠布佢即刻覺得自己係冇事嘅🙄😌😅」
相片見Lucy頭上有條明顯血痕，不過幸好傷勢似乎並不深，又見到李璨琛為囡囡冰敷傷口，而Lucy則好開心的玩電話；Lucy貼上公主膠布後，還展露燦爛笑容。Lucy媽當然都有展示實木櫃的照片，見到明顯凹陷，幸好Lucy並無大礙。
【點擊睇Lucy其他得意相】：
Lucy受傷帖文一出引起不少粉絲關注，連身為媽媽的容羨媛也留言說：「彩無爆開，如果唔係要聯針就唔靚女㗎喇😢個櫃都凹証明真係撞得好應。阿媽心臟強大，仲笑得出係好事！Get well soon！」其他網民亦留言叫Lucy媽帶Lucy睇醫生：「要帶佢睇睇醫生喔！」、「有冇照X光呀😮」、「唔係講笑，撞到幾傷吓，撞到表面額頭其實入面係蝶骨，會影響計數能力、視力。LuLu隻左眼已有變化，兩眼球不平衡，你要小心留意之後康後情況有否好轉。希望LuLu快啲康復。」
【其他文章】：
李璨琛細女Sucy戴假髮變Lucy 2.0萌到爆 印證強大基因姊妹如倒模
李璨琛半歲細女激脹面珠神複製蠟筆小新 出動米芝蓮肉腿力抗颱風蘇拉
盤點8位曾惹育兒爭議明星！天后怕子愛粉紅色變「乸型」 港姐冠軍與9歲子共浴親嘴
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
