Lucy誤會爸爸李璨琛被打奔跑營救搶武器阻止網民讚揚：無白養

更新時間：19:10 2023-09-25
發佈時間：19:10 2023-09-25

李璨琛（Sam）後日（27日）48歲生日，未知屆時會與結婚11年的太太梁志瑩（Sophia），以及兩個女兒李元元（Lucy）和李斐斐（Sucy）怎樣慶祝。李璨琛的生日禮物未收到，但「前世情人」Lucy的行動已經冧暈爸爸，昨日（24日）李璨琛估計是帶同太太及兩個囡囡到朋友家中食飯，過程中李璨琛被朋友拎起飯𢳂打手臂，Lucy見狀即時營救爸爸甚有愛。

【相關閱讀】：李璨琛細女Sucy戴假髮變Lucy 2.0萌到爆印證強大基因姊妹如倒模

【點擊睇Lucy勇救爸爸李璨琛】：

片中的李璨琛向朋友展示手臂，講幾句後對方拎起飯𢳂用來拍打，有另一男性友人展示經拍打後的狀況，手臂出現大範圍瘀青，當李璨琛被拍打時面部表情扭曲，狀甚痛苦。原本玩緊的囡囡Lucy見到爸爸痛到變臉，即衝入鏡頭出手阻止拉開，而且表情緊張，深怕爸爸被打傷。Lucy媽公開片後及Lucy爆喊相留言：「真情系列之lulu沖（衝）出嚟營救以為被打嘅爸爸 #心痛爸爸被打 #沖（衝）出嚟搶咗個飯𢳂 #其實係幫緊李通通個心包經」。

證明愛錫父母

不少網民見到5歲Lucy的舉動稱讚乖巧：「Lucy好愛爸爸，咸到豬頭咁，李老豆竇個心甜到糖尿病啊」、「冇白養」、「好乖女、好善良，好有愛，更要有勇氣衝出嚟叫唔好，性格好正，為李驕傲」、「Lucy真係好sweet啊」、「Lu Lu真係好愛佢爸爸媽媽，佢真係好心痛」、「證明其實Lulu好錫爸爸」、「個樣超認真嬲」、「佢會唔會記實咗auntie然後唔鍾意人哋架」等。