李璨琛太太無底線行為隔日惹爭議 5歲Lucy再被出賣沖涼裸照激嬲網民

更新時間：19:00 2023-08-23
發佈時間：19:00 2023-08-23

現年47歲的李璨琛（Sam）與太太梁志瑩（Sophia）結婚11年，育有兩個女兒，大女李元元（Lucy）已經5歲，細女李斐斐（Sucy）亦已出世半年。Lucy媽因母憑女貴，已多次被指為呃Like遭網民怒轟，日前一段影片見到她將細女Sucy放進如鞋盒般大小的紙箱內，惹起民怨要急刪片補鑊，但事隔不到一日又故態復萌，昨日（22日）她分享Lucy好乖的做家務過程，但當中的一張Lucy正面全裸沖涼相，再度惹起爭議。

【相關閱讀】：李璨琛老婆被轟為呃Like走火入魔半歲細女Sucy困「鞋盒」嚇到眼凸凸

【點擊睇Lucy被母出賣系列】：

自大女Lucy出世後，Lucy媽在社交網分享囡囡的搞鬼日常，因為Lucy活潑可愛，深受網民喜愛，IG坐擁逾40.7萬粉絲，成為BB界「最紅星二代」。Lucy媽早於Lucy兩、三歲時，多次公開囡囡的沖涼相，或是在家中的裸跑相，當時已遭網民抨擊，怒斥為賺錢無底線，而且沒有考慮女兒的感受：「呢啲相啱晒戀童變態收藏」，今次再發布Lucy正面全裸沖涼相，雖然有用Emoji遮蔽重要部位，但仍有網民認為Lucy已經5歲，應該要被保護：「保護lulu，沖涼相唔好post la，佢唔BB升lv做小童la」。

滿意囡囡乖巧

Lucy媽留言：「琴（噚）日有人想話睇LU表演摺衫，其實識摺衫都唔係今日嘅事。老母唔想認叻，所以冇post，不過既然今次你哋想睇，我就一次過post出嚟，俾你哋睇吓，除咗化妝扮靚，LU究竟仲有乜技能。摺衫、執床、自己沖涼、自己換校服返學、幫手拖地 #好媳婦系列 #最後一張發現被偷拍 #即刻擺番個pose先」，而對網民的意見，則未見有反應。