5歲Lucy好奇心爆發大膽舉動嚇親阿媽網民讚勇敢建議將來做一職業

更新時間：10:00 2023-08-13 HKT
發佈時間：10:00 2023-08-13 HKT

47歲的李璨琛與太太梁志瑩（Sophia）育有兩女李元元（Lucy）及李斐斐（Sucy），兩個囡囡得意又精靈，是網民的寵兒，兼近年最受歡迎的星B之一。Lucy昨日（12日）去亞洲國際博覽館行展覽，看似是一般的寵物展，但實際上有展出爬行動物，不過5歲的Lucy見到乜都玩一餐，表情仲好高興，嚇親人Lucy媽外，連網民都讚嘆「好大膽」。

【相關閱讀】：5歲Lucy攞操行獎得戚過拎金像獎網民重提肚腩仔頂同學爭玩具

【點擊睇Lucy變玩另類寵物】：

Lucy在場內見到狗狗，即蹲低身摸頭，但之後見到小蛇，就好奇放到手上眼望望，之後見到大蟒蛇，雖然只捧住蛇尾，Lucy仍一臉淡定，到放直還要比自己高的蜥蜴，Lucy更加笑晒口，捧起靠在身前影相，大膽程度震驚不少網民。Lucy媽留言：「動物管理『元』 #由狗到蛇再到蜥蜴全部都唔驚 #老母表示只能遠觀不能褻玩 #老母驚驚」。大批網民同樣表示害怕，但有人提議：「Lucy叻叻！有potential 做獸醫！」亦有人問Lucy媽：「元元以後係咪會幫手處理屋企啲四腳蛇？」Lucy媽認真回覆：「佢話佢會幫我殺死晒啲曱甴」。