張致恒四仔滿月！一家六口齊慶祝 蛋糕疑有贊助夫妻齊賣廣告搵真銀
發佈時間：15:30 2023-09-30
張致恒（Steven）與粉絲老婆區燕雯（雯雯）2019年奉子成婚，今年中雯雯在IG瘋狂鬧爆老公又懶又廢，不過之後再爆懷有第四胎，兩夫妻又再重修舊好，兩人周期性婚變，更被網民封為「離婚界KOL」。雯雯上月宣布誕下B仔後，今日雯雯與張致恒分別在IG貼相慶祝細仔張天樂滿月。
【相關閱讀】：張致恒晒12年前合照示愛 雯雯曾為Model與歌手情史不遜多情老公
【點擊睇張致恒慶細仔滿月】：
雯雯月初在IG公布誕下第四個囝囝張天樂，日前張致恒更宣布進行結紮手術，雖然張致恒曾透露假若將來有錢，可能會領養一個女兒；不過如無意外，張天樂將會是張致恒最後一個親生子女。今日張致恒與雯雯分別在IG貼出為細仔張天樂慶祝滿月的照片，張致恒在相中抱着細仔，而大仔張天寶則在側邊斜眼望住蛋糕，張致恒留言說：「天樂終於一個月啦，多謝（蛋糕店）佢哋嘅蛋糕，又好食又好玩，小朋友最鍾意！ Ps:快快撳錯咗100日🤣🤣對唔住！」
雯雯亦貼出在蛋糕後，抱住熟睡中的囝囝照片，留言說：「樂仔一個月喇👶🏻多謝（蛋糕店）咁有心嘅蛋糕，真係好靚，唔會太甜👍 佢哋都玩得好開心，最近佢哋幾個同我一樣迷上咗bduck，一隻公仔都係咁爭。」雯雯與張致恒亦分別tag了該蛋糕店，看來今次囝囝天樂滿月的蛋糕也有贊助，不過四個小朋友應該玩得好開心。
張致恒「離婚界KOL」變「結紮KOL」
張致恒與雯雯2019年奉子成婚後，接連爆出張致恒一腳踏五船、欠債不還，形象隨即直插谷底。張致恒與雯雯近年更多次鬧婚變，去年1月雯雯在IG單方面宣佈離婚，不過張致恒箍煲成功，相隔不夠一個月，雯雯宣佈陀第三胎，去年中誕下第三個囝囝張天朗，不過去年底開始又再鬧婚變，雯雯多次公開呻窮外，鬧爆老公躺平唔湊仔，又懶又廢；雯雯更自己開網店，又開設每月50元的會員制IG賬戶。
正當大部份網民以為兩人真的會離婚時，雯雯又再爆出陀第四胎，夫妻又再床頭打交床尾和，更四年抱四！不過張致恒日前宣布已做結紮手術，更直播講結紮，由「離婚界KOL」變成「結紮KOL」，相信兩人下次再鬧離婚，不會再誕第五胎。
【其他文章】：
張致恒街頭遇靚女網紅訪問嘴角上揚！自認顏值滿分 疑為慳錢用鹽護膚
張致恒公開結紮手術詳情！竟無問過老婆 稱之前意外懷孕：冇諗過自己咁強
張致恒接仔放學竟遇途人做一舉動 曾遭陌生人指罵：想掟你落垃圾桶
張致恒宣布結紮！「離婚KOL」四年抱四 稱為家庭負上最大責任
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
