「大隻仔」關曜儁過大禮金光閃閃！七對拳頭大龍鳯鈪 張振朗搬到叫加人工
發佈時間：07:00 2023-09-24
有「大隻仔」的關曜儁去年初向圈外女友韻璇求婚成功，未婚妻今年3月誕下囡囡關凱妃，關曜儁將於下月舉行婚禮。距離婚禮還有一個星期，日前關曜儁終於舉行過大禮儀式，枱上擺滿龍鳯鈪及金豬等金器，金光閃閃！
【相關閱讀】：重溫過大禮經典場面 賭王四房千金出嫁6億奢華嫁妝 何猷君舊愛6對流星錘龍鳳鈪
【點擊睇關曜儁過大禮】：
關曜儁將在下月舉行婚禮，日前終於過大禮，還請來張振朗、朱敏瀚做兄弟搬搬枱枱。關曜儁在親友見證下進行過大禮儀式，見枱上擺滿參茸海味、生果、椰子外，還有七對龍鳯鈪、皇冠及金豬等各款金器，金光閃閃，一對新人亦抱着半歲囡囡一同打卡，表情幸福滿瀉。
要行長樓梯入屋
因為關曜儁居住的村屋要行一條長樓梯先可以到達，於是幾位兄弟們就化身咕喱，迅速將所有物品枱到府上，短短路程當然難不到幾位猛男啦，不過張振朗就鬼馬說：「要加錢呀，加錢呀！」今次過大禮順利完成，關曜儁亦多謝早前結婚的好朋友「阿七」吳嘉儀相助，介紹強勁wedding planner團隊給他。
由婆婆擇日
關曜儁今晚亦在IG發文笑說：「身邊好多朋友都好奇，乜你原來仲未搞㗎，你連女都生埋啦喎！」之後解釋說：「家有一老，如有一寶。我婆婆係一個着重傳統禮節嘅表表者，所以結婚擇日等等，佢一早已經幫我哋安排好。」
關曜儁還表示原本對安排婚禮好有信心：「殊不知！原來囡囡關凱妃好想親身見證爸爸媽媽嘅婚禮😆凱妃出世之後，大部份時間都放咗喺佢身上，令到籌備婚禮嘅時間越來越緊張😖」之後得到好朋友「阿七」吳嘉儀相助才能婚禮出現曙光。今次過大禮的金器還有一個皇冠，關曜儁表示：「金器方面都係好有驚喜😍未婚妻韻璇，一直想着裙褂嘅時候有個金皇冠。」
【點擊睇重溫阿七過大禮】：
【其他文章】：
網紅結婚被過百對龍鳳鈪淹沒變「金山」 震撼程度超越何超盈過大禮
阿七吳嘉儀過大禮金光閃閃！龍鳳鈪拳頭大 跟足傳統準備八金器𠱁90歲嫲嫲
最美主播丘靜雯過大禮海味金鈪擺滿枱 聘禮多到無位影相：父母好滿意
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
