52歲鄭艷麗病情轉差晒瘀傷呻痛苦曾患厭食症暴瘦入ICU：唔知可以撐幾耐

更新時間：14:00 2023-09-08
發佈時間：14:00 2023-09-08

曾有「最美艷星」之稱的52歲鄭艷麗息影多年，早年因患上厭食症令體重暴跌至90多磅，去年9月最嚴重時更被送入醫深切治療部（ICU），由於近年健康情況反覆，以致她無法像正常人天天上班，因而頻頻轉工，直到今年5月終遇好老闆，令她可重投社會工作，惟好景不常，昨午（7日）鄭艷麗再於社交網自爆身體轉差。

【相關閱讀】：52歲艷星鄭艷麗返工每日狂嘔好老闆一個舉止極有愛近年健康堪憂曾患厭食入ICU

【點擊睇鄭艷麗近況】：

鄭艷麗相隔兩個多月再於Facebook發帖文，她向貼出數張照片向大家交代近況：「我呢幾個月身體第一日（次）咁差，返工日子只係好少，多數日子都係喺屋企同埋醫院道（度）過，好想過番啲正常嘅日子，啱啱嘅星期日又到過咗死去活來嘅一天。」鄭艷麗續指，母親近日從越南回港，並由周一（4日）起給予她不知名的新藥吃，她苦呻：「味道好似木頭一樣好難食，之後就發覺隻腳出現咗乳霜，我希望真係可以幫助到我啦！因為日日都要咁痛苦地度過，我唔知我可以撐得幾耐……祝大家身邊健康。」並晒出纖幼大腿的瘀傷照，情況令人擔心，不少網民都留言祝她早日康復，亦有建議她睇中醫、保持正面心態。

私房菜打工遇好老闆

出生於越南的鄭艷麗，1988年參加TVB《1988銀河接力大賽》取得女主角組冠軍後入行，之後加入電影圈拍下多套經典三級片，並曾到台灣發展，不過自2010年短暫復出後又再息影，她亦曾被拍到在快餐店工作，但從其社交網上載的家中照片所見，環境相當闊落。

曾患厭食症的鄭艷麗近年病痛纏身，她曾分享一張手上插喉入ICU的照片，據稱是因身體電解質過低所致，她早前於社交網大吐苦水，自言不被公司體諒以致要經常轉工，直到今年3月獲朋友介紹到一間私房菜工作，幸獲老闆娘及同事體諒，老闆娘得悉其身體狀況後更每天燉湯給她喝，當時鄭艷麗說：「本來每日放工返屋企都會嘔，個胃又會痛得超厲害，而家都有嘔，但係至少冇胃痛，我感覺好窩心，好有溫暖，世界上某啲地方真係仲有人情味嘅。其實我係好缺乏畀人愛惜嘅，而家每日都覺得好有溫暖、有人愛惜我，所以一定要同大家分享。我諗我而家應該可以做到退休，唔使再成日轉來轉去啦！」