中年好聲音2|「向氏最神秘後人」向展鵬入圍百強 由模界轉職保險傳年薪過千萬
更新時間:17:00 2023-08-13
發佈時間:17:00 2023-08-13

TVB選秀節目《中年好聲音2》昨日(12日)公布百強入圍名單,當中不少藝人及家屬有份,包括鄧兆尊胞弟鄧兆榮、孫耀威細妹孫美賢、戚黛黛及劉威煌等,就連向氏最神秘後人向展鵬(Jeffrey)亦成功晉級,相識30年的好友梁思浩昨於社交網發文道賀,更意外爆出對方猛料背景:「今天你已經係年薪過千萬嘅高層,依然會追尋自己嘅夢想去挑戰,參加比賽#中年好聲音,亦都成功地打敗5300人,進入最後100強,希望你一切順利。」

【相關閱讀】:中年好聲音2|百強入圍名單曝光! 鄧兆尊胞弟成功晉級多名藝人兼家屬有份

【點擊睇向展鵬後生Model照】:

梁思浩續指:「還記得我們認識時,你簽咗畀小美,我簽咗畀肥媽(Maria Cordero)!轉眼幾十年,我為你加油啊。」並公開二人昔日青澀樣,相比現時成熟穩重的形象,當年青靚白淨的向展鵬梳了「韓系型男頭」,加上眼大大鼻高高,絕對稱得上是偶像派!

翻查社交個人帳號,原來向展鵬年輕時曾做模特兒,為雜誌拍下不少時尚服飾硬照,其中一輯的女Model更是英皇娛樂集團營運總裁及經理人霍汶希(Mani),私下與不少名人藝人相熟的他,亦不時於社交網貼出圈中好友合照,包括袁詠儀(靚靚)、林青霞、劉青雲與太太郭藹明、四太梁安琪等,幾乎個個都是「重量級」。除平日衣食住行極盡奢華外,向展鵬亦經常晒愛馬「阿B」合照,生活富貴。

 

林作曾為團隊一員

人稱「保險界猛人」的向展鵬現為保誠資深總監,1996年入行首兩星期已賺十多萬元收入,不消數月,其業績更成為前公司東南亞新人中的第2名,目前其團隊約有400名成員,當中包括3名總監,而「保險界話題人物」林作亦曾是他團隊其中一員。一向低調的他兩年前罕有受訪,大方回應不少家族傳聞:「我爸爸(向華榮)排行第四,係最低調嘅一個,朋友都唔同,佢話我哋個姓好敏感。」

向展鵬表示讀喇沙小學時,原本跟他十分投契的同學突然表示二人不可再來往,因其父母指「你哋屋企唔正當」,向展鵬慨嘆:「嗰個年代一講姓向,啲人驚咗我。」後來他赴英升學,之後回流任職保險公司,起初不斷被人攻擊家境富裕「唔憂做」,他笑言:「我哋家族嘅人都唔信保險,咁多年嚟買嘅單唔夠5張,最大嘅一張單都係13萬。」

 

【其他文章】:

名人雜誌丨搶揭《中年好聲音2》十大唱將底牌 黃劍文劉威煌古淖文有冠軍相

獨家丨劉威煌揭乞人憎舊史:以前樣衰又自大 E-Kids Alan玩《中年2》冇老前輩包袱

獨家丨48歲姚安娜笑談負評:能變老唔係必然 一碟歌手參加《中年2》被踩發福走樣

 

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ