麥玲玲爆老公耍「心計」撼贏其他追求者 曾言:你嫁阿邊個以後就住屋邨
更新時間:16:00 2023-01-30
發佈時間:16:00 2023-01-30

麥玲玲近日熱爆網絡,因為她的年輕照突然翻Hit,尤其她的婚紗相更加成為焦點。除了因為她有日本少女氣質,激凸上圍亦令不少人羨慕!麥玲玲曾笑言這輯年輕照引起網民討論,有懷疑是老公何德在網上帶風向:「我問老公係唔係佢做,佢話無。唔緊要啦,大家開心就好!」提到老公何德,她近日接受一個內地的電台節目訪問,大方地提及自己的情史,原來當年何德全憑「攻心計」才成功「抱得玲玲歸」!

【點擊睇麥玲玲後生索爆相】:

麥玲玲稱當時老公何德因為就讀電子工程,全班只有兩位女同學,認識女性不多,所以經常叫麥玲玲介紹對象,「點知他冇一個成功。」其後麥玲玲身邊出現一位靚仔追求者,對方唯一缺點是家境清貧,麥玲玲因而向何德吐苦水後,何德竟出動「攻心計」:「有一日佢開車車我去嗰個男仔屋企樓下,係比較窮嘅屋邨,佢一副戥我唔抵嘅樣話,『如果你以後嫁俾阿邊個呢,以後你就要住呢啲屋邨啦,喺走廊炒菜、抱住個仔。」

麥玲玲聽後當堂被嚇窒:「嘩,我心入面即刻浮現《獅子山下》個畫面,心諗唔係咁慘呀嘛。佢話:『嗱如果你揀我呢,係唔同嘅,起碼我有層樓,又有架車,各樣嘢都幾好呀,咁你可以考慮吓我。』咁衰俾佢嚇一嚇,佢仲要補咗一兩句嘅,佢話『嫁一個男仔,你係嫁俾佢將來,娶一個女仔,你要娶佢現在。』」最終麥玲玲與何德交往一段時間後,感覺他「都Ok喎」便結婚。

不過麥玲玲笑指這只是故事的上半部分,下半部分是當年那位家境一般的靚仔追求者竟然「發咗達」:「證明我係一個好唔現實嘅女仔,當時我係冇睇到人哋係咪搵到錢,或者嫁個有錢人,我真係嗰一刻純粹鍾意,個男仔講嘢好溫柔、好慢。」其後麥玲玲再認真笑說:「其實個性格(靚仔追求者)係唔啱嘅,我揀何德(現任老公)係啱嘅,只不過後尾人哋發咗達啫!」
麥玲玲與何德結婚多年,感情穩定,只是沒有子女,她曾說:「我有諗過生,不過年輕嗰陣啱啱係事業衝刺期,專注工作,之後睇相又睇到好多父母子女出現衝突嘅個案,慢慢就冇再諗。」


 

【其他文章】:

無限超越班|佘詩曼親揭與黎姿不和真相 為一個原因拒演奸角15年

宋仲基結婚了!官宣將娶英國女友兼將做老竇

「食屎陳師奶」遭同事學生朋友質疑 孫慧蓮:係名之嘛,我唔做壞事咪得囉!

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ