糖妹日本經商男友曝光高調晒愛 曾與「鴨王」何浩文拍拖兩年要出走治情傷
更新時間:16:00 2022-12-07
發佈時間:16:00 2022-12-07

今年35歲的「糖妹」黃山怡2008年與「糖兄」潘雲峰,組二人組合「糖兄妹」闖樂壇,後來糖妹單飛轉戰電視圈成功突圍。入行多年的糖妹一直低調處理感情事,入行初時曾與「鴨王」何浩文拍拖兩人年,最後分手收場,糖妹之後一直單身,直至去年認愛在日本營商的男友。

【點擊睇糖妹高調晒愛】

糖妹今年隨經理人過檔新公司,開拓內地市場做開荒牛,又籌備出新歌,相當忙碌。她早前表示她與男友已經差不多整年沒見面,而上月糖妹在IG貼出多張遊日本的照片,相信就是放假赴日見男友。昨日(6日)糖妹高調晒愛,在IG貼出與男友在山上拖着手,高舉雙手的照片,留言說:「生日快樂!食維他命C!要食菜!飲多啲暖水!」祝福生日外,也叮囑男友要保重身體,相當sweet。

【相關閱讀】盤點5位身高160cm以下TVB小花 羅毓儀靠嬌小做逆齡阿妹 哈比族影相增高有秘訣

月前糖妹接受本報專訪,表示與在日男友各有各忙,已經差不多有一年時間沒見:「佢喺日本做地產發展項目,大家各有各忙,只想事業發展得更加平穩,而且出於成年人嘅尊重,佢唔會淋熄我啲理想。其實每對情侶有唔同嘅玩法,我哋嘅相處好free,大家有共同朋友會互相聯繫,個圈子好成熟,我哋又覺得咁樣幾sweet喎。」

糖妹與舊愛何浩文2011年認識,當時有糖妹更是主動追求對方,不過公開認愛後,有傳男方多次借糖妹上位,更以糖妹英文名Kandy,推出露股寫真《Kandy Krush》,最後兩人在2013年分手收場。糖妹多年後接受訪問重提舊情:「只可以講嗰陣我哋太細個,只係顧住喺事業上衝刺,忽略對方;我哋識於微時,呢段關係好難得,但之後成件事變咗質。」之後糖妹更一度出走台灣治療情傷,以工作麻醉自己。

【其他閱讀】

52歲亞姐袁潔儀皮膚光滑少女電眼零皺紋 嫁內地武警後曾三度流產

張致恒老婆雯雯又暗示婚變    直認性格問題「勉強唔到」預告明年有新生活

盤點4位過江艷星近況!《強姦2》女星冇工開患情緒病 亞洲第一美胸患乳癌

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ