【頭條獨家】跟黃奕晨齊為《超感應學園》配音羅沛琪聲演女角配到喊

即時娛樂

更新時間：22:19 2021-09-14 HKT
發佈時間：08:00 2021-09-15 HKT

男主角石頭好搞怪似乎真係幾啱Dixon配噃!

港台合拍的偶像劇《超感應學園》剛於ViuTV播出，有份參演的MIRROR成員姜濤和Anson Lo(盧瀚霆)早前也為了香港觀眾，特意親自為自己的角色配廣東話。但有睇開ViuTV的觀眾，看了頭兩集，是否覺得有些人的配音很耳熟呢?

Dixon喺IG分享呢個新挑戰!

Dixon(右一)近年喺ViuTV有不少工作機會，仲愈嚟愈入屋!

其實除了姜濤和Anson Lo，男女主角石少華(石頭)及方小路，是由經常為ViuTV做主持及客串劇集的黃奕晨(Dixon)和羅沛琪(Pinky)聲演的。Dixon在IG分享劇集片段表示配音是他的新挑戰，有一幕要5秒說5句對白再加大量慘叫、喪叫和尖叫。雖然唔容易但又表示:「配音嗰幾日我開完工就完全唔想講嘢，但真係好玩同有趣嘅嘗試，Respect所有配音員。」

Pinky回覆《頭條娛樂》表示:「如果電視劇配音係第一次!之前都有試過配日本電影《第7日的奇蹟》。」又分享平時都是為廣告配旁白居多，但得知這次可以配姜濤和Anson Lo參演的劇集，加上是配女主角的聲音時，也有點受寵若驚，因為這個角色的戲份也很重。她說:「公司有搵啲有資深經驗的配音員幫我哋訓練，呢個角色難度係最初佢都比較冷靜，所以起初(語氣)感覺好似比較平，到尾段的難度係有好多喊戲。有時仲要配完喊戲，緊接再配其他戲份!」她覺得拍戲和配音很相似，而她亦了解劇情真情流露喊住配音，真係有心機呀!