張曦雯牛年有機會結婚麥玲玲批李佳芯冇老闆命

更新時間：15:50 2021-03-09 HKT
發佈時間：16:44 2021-03-09 HKT

主持及嘉賓。

李佳芯（Ali）、張曦雯（Kelly）和高海寧（Ling）擔任《Master's Talk師父有請》嘉賓，麥玲玲師傅指高Ling及Kelly屬於鼻高一族，容易吸引人注意，Ali則有桃花眼。Ali說：「我係大眾臉，過目即忘喎！以前近視大眼鏡，鼻又扁，行過都唔知，升中學之後好似消失一樣，無論學業成績、高度同朋友都唔起眼，人生冇乜機會做過主角！」

麥玲玲指張曦雯有機會結婚同生仔。

麥玲玲指李佳芯同男友陳炳銓會出現變化。

Kelly就稱自己一化唔同嘅妝就會有唔同嘅樣，有三間銀行曾經以她做模特兒，行規上本來唔容許，但客戶都唔察覺。至於高Ling就透露初入行被負面新聞打擊，更曾經患抑鬱症要睇精神科，但每次想放棄做呢行，都總會有工作搵上門。
此外，麥玲玲為眾人批算牛年運程，指Kelly是天合地合年，有機會結婚、生仔或者買樓；Ali的牛年為變化年，工作上或與另一半的關係都有機會變化，Ali問：「即係一係結婚一係分開？暫時兩樣都唔係，未有結又未係分，我反而期待事業上嘅突破，我有興趣搞生意……」但玲玲就直指Ali沒有生意命，叫她死心，因她本身野心不大，是很穩定的人，不主動不進取，連做藝人都是相當另類。