【祥嫂離世】兆尊指父母合葬有難度小艾：媽咪好珍惜同我哋相處時間

更新時間：16:50 2019-07-04 HKT
發佈時間：13:50 2019-07-04 HKT

鄧兆尊與鄧小艾、鄧兆榮3兄妹為亡母洪金梅（祥嫂）揀靈堂花，於花店內逗留近40分鐘，兆尊透露揀了白色的靈堂花。問到他們會否安排祥哥與祥嫂合葬？兆尊說：「我諗唔係咁容易，又要起又要鑿爛舊雲石。（如果做到，是否會這樣做？）真係唔係咁容易。」兆尊早前指祥嫂叫他不要結婚，他稱祥嫂只是講笑。追問是否因為祥嫂對他3位女友不太滿意？小艾聞言說：「唔好講呢啲，主要都係講返媽咪嘅後事，大家正面啲啦，爸爸又走咗，得返媽咪一個，都想做得好好睇睇。」
隨後他們上車往香港殯儀館揀棺木，約10分鐘後離開，兆尊與小艾再次接受訪問，問到媽咪的遺願？兆尊說：「媽咪之前話諗住出院嗰陣，想同我哋食嘢。」小艾表示大家打算一齊去玩，指祥嫂很珍惜同他們相處的時間。問到扶靈名單，他們表示沒有，現時葬禮會以中西式舉行。

對於祥嫂遺產的傳聞？兆尊說：「傳聞嘅嘢問返傳嗰個人啦，我亦無睇過遺囑。（有沒有與媽媽的相處點滴可以分享？）無乜點滴，只想講現在社會有啲扭曲，希望大家對屋企人好啲，始終都係媽咪。」小艾表示要珍惜家人，大家好好相處，並謂要處理的事都已處理完，這兩日都沒有特別事，叫傳媒不要太辛苦，之後小艾和兆尊就去了跑馬地會所食飯。