亨利拆局│練馬師王吼希斯

更新時間：02:00 2026-11-01 HKT
發佈時間：02:00 2026-11-01 HKT

今期谷戰跑日賽，方嘉柏被譽為「黑夜之神」，日間作賽不知表現如何？佢今次兵分八路布強陣，確實擺出搏殺誠意。但回顧上季同日，方仔埋單得8分，成績乏善足陳，當日練馬師王則開出平頭賽果，由沈集成與希斯各奪30分共享殊榮；至於前季同日，希斯奪30分獨佔寶座。數據顯示，希斯在谷草日賽頗有搏殺心得，呢條攤路信得過，況且佢今次練馬師王必有肉食，更添值博率。

雖然今次希斯出馬得五匹，但隻隻俱有路程根據，統統都瞄準勝途而臨，可用貴精不貴多形容，隨時練馬師王來個谷草日賽三連庄！

重點爭分馬方面，「銳目」上季已證明是正宗千二馬，上仗休出跑一千熱身求開氣，本身是上季750強組精品，交回水準坐位望贏。「環球英雄」跑谷草千二是強項，與班德禮亦合拍，往績顯示常打疊向好，既然上仗得亞軍，今次有望再入三甲。「友愛心得」跑谷草千二準繩，上仗在同程落第歸咎流鼻血，今次排二檔必把握機會。

目標：希斯

賠率：35

全日惡馬第三場：銳目

練馬師王最佳投注時機：第三場前