三寶心水│「銳一」操足破悶局

更新時間：17:45 2026-10-24 HKT
發佈時間：17:45 2026-10-24 HKT

第一場四班條件賽，相信「星球勇士」會成為一面倒大熱門，上季牠在新馬賽初出即大勝，其後因氣管有痰而屈居亞軍；今季復出，三歲馬負頂磅跑第二，表現及格有餘；復課由袁幸堯過檔親操三課，落草地與剛勝的「都靈冠星」拍跳，快時間下交出良好反應，可力抗廄侶；今仗只負一二五磅，若順利放出，贏面高唱入雲。「海象先生」上季已提早投入操練，試閘看腳法頗有潛質，款頭十足，七月初試大閘後提早歇暑；復課後四試大閘，出閘反應佳，當中兩課大閘更一放到底勝出，伍鵬志待馬兒成熟進度理想才安排出賽，工夫做到足，絕非陪跑分子。其餘質新馬中，「丙午傳奇」較為特出，晨課中見出腳純熟，鬥心十足；血統早熟，兩匹同父馬「支付之父」和「牛精新星」均初出即上名，即使狀態未足，也可憑質補態，冷腳之選。

第二場五班千四米，「銳一」已超過兩季未勝，但經常展現凌厲後勁，可跑獲獎金名次甚至上名；暑假轉倉到甘敏斯，上仗復出跑泥地，蝕步速仍追入第四名；復課連番落草地快試，狀態更勝上仗，評分已降至新低；今仗排一檔，潘頓續騎兼跑回贏馬路程，有力重啟勝門。

第一場：2星球勇士、7海象先生、6丙午傳奇
第二場：12銳一、5銳高、10快樂老撾