亨利拆局│練馬師王吼葉楚航

更新時間：02:00 2026-10-11 HKT
發佈時間：02:00 2026-10-11 HKT

今季暫時跑了九次賽事，頭八次練馬師王並無重複，直至剛周三由方嘉柏封王，成為季內首位兩度封王的練馬師，畢竟佢是黑夜之神，在谷中發威不足為奇。反觀早前幾次田戰，沈、文、伍、鄭、羅在練馬師王輪流攞威，特色是無獨有偶都屬華倉！

回說今期賽事，各倉布陣是季內最平均一次，驟眼睇希斯派「致力之城」列陣，牌面確實佔優，但其餘馬匹皆機會一般；姚本輝出十駒夠大陣仗，但逾半欠缺爭分能力；方嘉柏罕有在沙田九路興兵，不過沙田非主場，還是留待谷草才捧場。既然幾個牌面馬房都唔似樣，索性一試葉楚航，今期葉廄有兩駒配潘頓，予人變倍器感覺，其餘馬匹亦有冷味，似乎蠢蠢欲動配合出擊。

重點爭分馬方面，「文明戰士」上季戰泥地非冠即亞，最叻玩泥沙，今季轉四歲應更進步。「陸小鳳」上仗步速難追，能造最快末段衝近頗養眼。「領駿先鋒」上仗初出排外檔，留至包尾測試後勁，今次潘頓肯騎要留神。

目標：葉楚航

賠率：7

全日惡馬第五場：文明戰士

練馬師王最佳投注時機：第二場前