亨利拆局│練馬師王吼巫偉傑
更新時間：02:00 2026-09-23 HKT
發佈時間：02:00 2026-09-23 HKT
發佈時間：02:00 2026-09-23 HKT
字體大小
上周三谷戰由韋達奪兩冠兩亞以36分封王，以跑八場計算水準極高；回顧對上兩季，韋達每季都只是各封王兩次，上周演出神勇代表佢今季力圖中興，抑或大攻勢只是曇花一現？暫時我傾向是後者，況且佢今期出五駒亦陣容平常，練馬師王不作考慮。
查今季未斷勝纜分別有伍鵬志與巫偉傑，但兩者都未曾封王，每次攻勢皆點到即止。但要留意，巫偉傑在季內兩次谷戰俱贏馬之餘，其實都有廄侶配合出擊，未能起孖只是欠點運氣。今期巫廄出馬七匹，比起先前兩次谷戰更積極派兵，部署明顯進一步增強，練馬師王一於捧佢！
重點爭分馬方面，「將義」賽績顯示勝後再出例無三甲，但上仗休出刻意移出三疊發力，早在最後百五米已透出奠勝，姿態有說服力，趁季初對手狀態未起，希望再下一城。「威威父子」適合鬥後勁，上季尾曾兩戰谷草卻搶放，不排除目標直指今季。「贏玥」失運在經常抽外檔，今次排七檔算唔錯，配潘頓亦有望騎高多少。
目標：巫偉傑
賠率：9
全日惡馬 第九場：將義
練馬師王最佳投注時機：全日惡馬 第九場：將義
最Hit
