亨利練馬師王揀了廖康銘 (圖)，原因是貪佢谷草表現理想，季內五次封王其四來自谷草，再者佢今期兵力亦對辦，希望有錢收。

亨利拆局│練馬師王吼廖康銘

更新時間：02:00 2025-05-07 HKT
發佈時間：02:00 2025-05-07 HKT

近期東、蔡、羅三人輪流封王，季尾攻勢明顯增強！事實上，蔡約翰欲爭取冠軍寶座，而羅富全和告東尼則在成績榜追落後，各有搏殺概念，尤其告仔現時得34W，按其近年成績標準，估計頭馬陸續有來，不妨拭目以試。

不過練馬師王方面，今次未到捧告仔時候，我在姚、方、游、賀、韋、容、廖之間選擇，最終揀了廖康銘，原因是貪佢谷草表現理想，季內五次封王其四來自谷草，再者佢今期兵力亦對辦，希望有錢收。

重點爭分馬方面，「領航天子」大前仗初跑谷草蝕慢步速追近已有驚喜，前仗三疊望空亦接近，上仗際遇正常終於坐正，細粒仔升班減磅有好無壞，可期再捷。「駟跑得」甫降班即由霍宏聲回掌帥印，須知霍利時日前抵港，並透露逗留兩周，上日聲仔即贏「一定超」在爹哋面前威威，鬥志不用懷疑。「大番薯」上仗拖到包尾兼移出最外疊衝，試馬味道濃郁，提防由蟲變龍。

目標：廖康銘

賠率：11

全日惡馬第八場：領航天子練馬師王最佳投注時機：第二場前

↓立即下載星島頭條App↓